Ice water Facial: మొహాన్ని ఐస్ వాటర్ లో పెడుతున్నారా..? అయితే జాగ్రత్త..!

Ice water Facial: అందాల ప్రపంచంలో, హోం రెమెడీస్‌తో ముఖంపై మెరుపు తెచ్చే ట్రెండ్ చాలా పాతది. అయితే ఎక్కువ కాలం యవ్వనంగా ఉండాలంటే చర్మ సంరక్షణతో పాటు ఆరోగ్యకరమైన ఆహారం కూడా అవసరం. ఈ రోజుల్లో, మెరిసే చర్మం కావాలని కలలుకంటున్న మహిళల్లో ఐస్ ఫేషియల్ ట్రెండ్ బాగా ఫేమస్ అయింది. ఐస్ ఫేషియల్ సహాయంతో, చర్మం గ్లో, బిగుతుగా మారుతుంది. దీని వల్ల వృద్ధాప్య ప్రభావాలు చర్మంలో త్వరగా కనిపించవు. మీ చర్మం కూడా సున్నితంగా ఉంటే, ఐస్ ఫేషియల్ ట్రెండ్‌ని అనుసరించే ముందు, దాని ప్రయోజనాలను మాత్రమే కాదు, దాని నష్టాలను కూడా తెలుసుకోండి. లేకపోతే మచర్మానికి హానీ కలిగించవచ్చు

ఐస్ ఫేషియల్ ప్రతికూలతల ప్రభావాలు 

ముడతలు, మొటిమల సమస్య

చర్మంపై ఐస్ రుద్దడం వల్ల ముఖంపై ముడతలు, మొటిమల సమస్య వస్తుందని చాలా తక్కువ మందికి మాత్రమే తెలుసు. అంతే కాదు ఐస్ ఫేషియల్ కళ్ల కింద నల్లటి వలయాల సమస్యను కూడా పెంచుతుంది. చర్మంపై త్వరగా ముడతలు, దద్దుర్లు రాకూడదనుకుంటే ఐస్‌ని నేరుగా ముఖంపై రాయకండి. దీన్ని ఒక గుడ్డలో కట్టి ముఖానికి పెట్టుకోవాలి.

బాక్టీరియల్ ఇన్ఫెక్షన్

ముఖాన్ని శుభ్రం చేయకుండా ఐస్ ఫేషియల్ చేయడం ద్వారా చర్మంలో బ్యాక్టీరియల్ ఇన్ఫెక్షన్ ప్రమాదాన్ని పెంచుతుంది. మురికిగా ఉన్న ముఖంపై ఐస్‌ను పూయడం వల్ల చర్మ రంధ్రాలలో బ్యాక్టీరియా చిక్కుకుపోతుంది.

పొక్కులు

చర్మంపై ఐస్‌ను ఎక్కువసేపు రుద్దడం వల్ల చర్మ కణాలు చనిపోతాయి. దీని వల్ల చర్మంపై బొబ్బలు ఏర్పడి చర్మం దెబ్బతింటుంది. ఐస్ ఫేషియల్ చేసేటప్పుడు కోల్డ్ కంప్రెస్ లేదా టవల్ ఉపయోగించడం మంచిది. ముఖంపై ఒక నిమిషం కంటే ఎక్కువ ఐస్ ప్యాక్‌లు లేదా క్యూబ్‌లను ఉంచకూడదు.

సైనస్ - మైగ్రేన్

సైనస్ లేదా మైగ్రేన్ సమస్యతో బాధపడుతుంటే పొరపాటున కూడా ముఖం పై ఐస్‌ని రుద్దకండి. ఇలా చేయడం వల్ల సమస్యలు పెరుగుతాయి.

డల్ స్కిన్

ఐస్ ఫేషియల్ సాధారణంగా ముఖంలో గ్లో పెంచడానికి చేస్తారు. అయితే సెన్సిటివ్ స్కిన్ ఉన్నవారు దీనికి దూరంగా ఉండటం మంచిది. ఐస్ ఫేషియల్ చేయడం వల్ల ముఖంపై మంటలు వస్తాయి. రంగు కూడా కాంతిహీనంగా మారుతుంది. పొడి చర్మం ఉన్నవారు ప్రతిరోజూ ఐస్ ఫేషియల్స్ చేస్తే, వారి ముఖంపై పింక్ రాషెస్ ఏర్పడవచ్చు.

Also Read: Hanuman Janmotsav: శని దోష నివారణకు.. హనుమాన్ జయంతి రోజున ఈ పరిహారాలు చేయండి..?