Dipa Karmakar: ఆసియా ఛాంపియన్‌షిప్‌లో స్వర్ణం గెలిచిన తొలి భారతీయ జిమ్నాస్ట్ దీపా కర్మాకర్ 

Dipa Karmakar: ఆసియా ఛాంపియన్‌షిప్‌లో గెలిచిన తొలి భారతీయ జిమ్నాస్ట్‌గా దీపా కర్మాకర్ నిలిచింది. ఆదివారం తాష్కెంట్‌లో జరిగిన ఆసియా మహిళల ఆర్టిస్టిక్ జిమ్నాస్టిక్స్ ఛాంపియన్‌షిప్‌లో కర్మాకర్ బంగారు పతకాన్ని కైవసం చేసుకుంది. ఆసియా జిమ్నాస్టిక్స్ ఈవెంట్‌లో స్వర్ణం సాధించిన తొలి భారతీయ జిమ్నాస్ట్‌గా కర్మాకర్ రికార్డ్ సృష్టించింది. దీప 12.650 స్కోర్‌తో క్వాలిఫికేషన్ దశలో ఎనిమిదో స్థానంలో నిలిచింది. ఫైనల్‌లో దీప తన రెండు ప్రయత్నాల్లో మొత్తం 13.566 స్కోర్ చేసింది. దీప తర్వాత ఇద్దరు ఉత్తర కొరియన్లు, కిమ్ సన్ హయాంగ్ (13.466, పెనాల్టీ తర్వాత 0.100), జో క్యోంగ్ బైయోల్ (12.966) వరుసగా రెండవ- మూడవ స్థానంలో నిలిచారు.

గతేడాది ఆసియా క్రీడల భారత జట్టులో దీపాకు చోటు దక్కలేదు..

ఆసియా ఛాంపియన్‌షిప్‌లో దీపా కర్మాకర్(Dipa Karmakar) రెండోసారి పతకం సాధించింది . అంతకుముందు దీప 2015లో హిరోషిమాలో కాంస్య పతకాన్ని గెలుచుకుంది. దీపతో పాటు భారత్‌కు చెందిన ఆశిష్ కుమార్ (ఫ్లోర్ ఎక్సర్‌సైజ్, కాంస్యం, సూరత్, 2006),  ప్రణతి నాయక్ (వాల్ట్, ఉలాన్‌బాతర్, 2019 మరియు దోహా, 2022) కాంస్య పతకాలను గెలుచుకున్నారు.

గతేడాది హాంగ్‌జౌలో జరిగిన ఆసియా క్రీడల్లో దీపకు(Dipa Karmakar) భారత జిమ్నాస్టిక్స్ జట్టులో చోటు దక్కలేదు. జిమ్నాస్టిక్స్ ఫెడరేషన్ ఆఫ్ ఇండియా (GFI) దీపా కర్మాకర్ పేరును పంపింది. అయితే, కేంద్ర క్రీడా మంత్రిత్వ శాఖ నుంచి తుది అనుమతి రాకముందే ఆమె పేరును భారత ఒలింపిక్ సంఘం (ఐఓఏ) కొట్టివేసింది.

Also Read: చేతులెత్తేసిన హైదరాబాద్.. కప్ ఎగరేసుకుపోయిన కోల్ కతా

స్టార్ జిమ్నాస్ట్ చాలా కాలంగా పోటీల్లో పాల్గొనకపోవడంతో ఎలిమినేట్ అయింది. దీప(Dipa Karmakar) స్థానంలో ప్రణతి నాయక్, ప్రణతి దాస్ కళాత్మక జిమ్నాస్టిక్స్ ఆసియాడ్ జట్టులో చోటు దక్కించుకున్నారు.

రియో ఒలింపిక్స్‌లో నాల్గవ స్థానంలో నిలిచిన దీప, కామన్వెల్త్ గేమ్స్‌లో కాంస్యం గెలిచిన తొలి జిమ్నాస్ట్‌గా రికార్డులకెక్కింది. ఈ ఘనత సాధించిన భారత తొలి మహిళా జిమ్నాస్ట్‌గా రికార్డు సృష్టించింది. ఇది కాకుండా కర్మాకర్ 2016 ఒలింపిక్స్‌లో నాలుగో స్థానంలో నిలిచి సంచలనం సృష్టించింది. 

డోప్ పరీక్షలో విఫలం..
దీపా కర్మాకర్(Dipa Karmakar) ఫిబ్రవరి 2023లో డోప్ పరీక్షలో విఫలమైంది . ఈ కారణంగా ఆమెపై నిషేధం విధించారు. ఇంటర్నేషనల్ టెస్టింగ్ ఏజెన్సీ (ITA) ప్రకారం, దీపా కర్మాకర్ అంతర్జాతీయ జిమ్నాస్టిక్ ఫెడరేషన్ ద్వారా పోటీ నుండి తీసిన శాంపిల్‌లో నిషేధిత డ్రగ్ హైజెనమైన్ తీసుకున్నందుకు దోషిగా తేలింది. దీప\ నమూనాలను 11 అక్టోబర్ 2021న పోటీ తర్వాత తీసుకున్నారు. ఆమెపై నిషేధం జూలై 10, 2023 వరకు కొనసాగింది.