Movie in Theaters: థియేటర్ లో సినిమా.. ఆ కిక్కే వేరబ్బా అంటున్న జనం.. ఈ లెక్కలపై ఓ లుక్కేయండి!

Movie in Theaters: మన జీవితంలోని ప్రతి అంశంలోనూ సినిమా ఉంటుంది. వినోదం అంటే ఇప్పటికీ సినిమానే చాలామందికి. టెక్నాలజీ మారిపోయినా.. నట్టింటిలో కొత్త సినిమాలు ఎన్ని వచ్చినా సినిమాపై మోజు మాత్రం ప్రజల్లో ఏమాత్రం తగ్గడం లేదు. ఐపీఎల్ వంటి క్రికెట్ పోటీలకు విపరీతమైన క్రేజ్ ఉన్నా.. దేని దారి దానిదే అన్నట్టుగా సినిమాపై మోజు మాత్రం ఎవరికీ తగ్గడం లేదు. ఇప్పటికీ టీవీల్లో వచ్చే ఆపాతమధురాలను ఆదరిస్తూనే.. కొత్త సినిమాలు ఓటీటీలో వస్తుంటే వాటిని వదిలిపెట్టకుండా ఉంటూనే.. టీవీ సీరియల్స్, వెబ్ సిరీస్ లు అన్నిటినీ చూసేస్తూనే ఉన్నారు ప్రేక్షకులు. సినిమాపై(Movie in Theaters) ఆసక్తి తగ్గేదేలే అన్నట్టు ఉంది. అయితే, సాధారణంగా మనం ఓటీటీలు వచ్చేశాయి.. కొత్త సినిమాలు దాదాపు నెలరోజుల్లోపు (ఒక్కోసారి ఇంకా తొందరగా) మన ఇంటిలోనే కూచుని చూసే అవకాశం కూడా దొరికేస్తోంది.. ఇక థియేటర్స్(Movie in Theaters) కి వెళ్లి సినిమాలు చూడటం బాగా తగ్గిపోయి ఉంటుంది అనుకుంటాం. కానీ ఆ భావనే తప్పు అని తేలుతోంది. కరోనా భారతీయులు - మల్టీప్లెక్స్‌ల మధ్య దూరాన్ని పెంచింది. ఇక OTT వచ్చాక సినిమా థియేటర్ల శకం ముగిసిపోతుందేమో అనిపించింది. కానీ సినిమా ప్రేమికులకు ఏ గోడ అడ్డు రాలేదు. టీవీలో సినిమా వచ్చినా థియేటర్‌లో(Movie in Theaters) సినిమా చూసేంత తృప్తి ఉండదు అని వారు భావిస్తున్నారు. మునుపటి కంటే తక్కువ సంఖ్యలో సినిమాలు రిలీజ్ అవుతున్నా.. కరోనా కాలంతో పోలిస్తే మనం సినిమాల కోసం ఎక్కువ డబ్బు ఖర్చు చేస్తున్నామని తాజా లెక్కలు చెబుతున్నాయి.

సినిమా థియేటర్లకు 15.74 కోట్ల మంది..
మీడియా కన్సల్టింగ్ సంస్థ ఓర్మాక్స్ నివేదిక ప్రకారం, భారతదేశ చలనచిత్ర పరిశ్రమ 2023లో అద్భుతమైన వృద్ధిని నమోదు చేసింది. 2023లో కనీసం ఒక్కసారైనా సినిమా చూసేందుకు 15 కోట్ల 74 లక్షల మంది సినిమా థియేటర్లకు(Movie in Theaters) వచ్చారు. గతేడాది కంటే ఈ సంఖ్య 29 శాతం ఎక్కువ. అదే సమయంలో, ఈ సంఖ్య ప్రీ-కోవిడ్ స్థాయి కంటే 8% ఎక్కువ. డేటా ప్రకారం, వీక్షకుల సంఖ్య వృద్ధి నెమ్మదిగా ఉన్నప్పటికీ, మొదటిసారిగా బాక్సాఫీస్ వసూళ్లు రూ.12,226 కోట్లకు చేరుకున్నాయి.

ఒక్కో ప్రేక్షకుడు 6 సినిమాలు చూశాడు
ఓర్మాక్స్ నివేదిక ప్రకారం, 2023లో దాదాపు 16 కోట్ల మంది సినిమా చూడటానికి వెళ్లారు. ఈ సమయంలో దేశీయ బాక్సాఫీస్ వద్ద 94.30 కోట్ల టిక్కెట్లు అమ్ముడయ్యాయి. అంటే ఒక సినిమా ప్రేక్షకుడు సగటున ఆరు సినిమాలు(Movie in Theaters) చూశాడు. హిందీతో పాటు, ఈ సంఖ్య ఇతర భారతీయ - విదేశీ భాషల చిత్రాలతో కలుపుకుని ఉంది. 

కరోనా తర్వాత హిందీ చిత్రాల ప్రేక్షకులు పెరిగారు
కరోనా నుండి, హిందీ భాషా సినిమాలలో భారీ వృద్ధి కనిపించింది. దీని వీక్షకుల సంఖ్య 9 కోట్ల 20 లక్షలకు పెరిగింది. ఇది 2022 కంటే 58% ఎక్కువ. అయితే, అదేసమయంలో తమిళం, తెలుగు, కన్నడ చిత్రాల ప్రేక్షకుల(Movie in Theaters) వాటాలో స్వల్ప తగ్గుదల కనిపించింది. మలయాళ సినిమా ప్రేక్షకులు 19% వృద్ధిని సాధించగా, మలయాళ చిత్రాల ప్రేక్షకులు 2022లో 10 మిలియన్ల నుండి 2023 నాటికి 12 మిలియన్లకు పెరిగింది.

2023లో సినిమాల నుండి రికార్డు వసూళ్లు
రిపోర్ట్ ప్రకారం, గత 100 ఏళ్లలో సినిమా చరిత్రలో తొలిసారిగా బాక్సాఫీస్ వసూళ్లు రూ.12,000 కోట్లు దాటాయి. 2019లో బాక్సాఫీస్ వసూళ్లు(Movie in Theaters) రూ.10,948 కోట్లు. అందుకు భిన్నంగా వీక్షకుల సంఖ్య తగ్గుముఖం పట్టింది. 2023లో 94.30 కోట్ల టిక్కెట్లు అమ్ముడుపోయాయి. 2019లో టిక్కెట్ల విక్రయాలు రూ.103 కోట్లు దాటాయి.

ఇది కూడా చదవండి: గతేడాది ఐటీ రిటర్న్స్ వేయలేదా? ఇప్పుడు రిటర్న్స్ ఫైల్ చేయవచ్చా? 

పదంటే పది సినిమాలు బాక్సాఫీస్ ను షేక్ చేశాయి..
2023లో బాక్సాఫీస్ వద్ద 1,000 కంటే ఎక్కువ సినిమాలు విడుదలయ్యాయి. అయితే 40 శాతం వసూళ్లు టాప్ 10 సినిమాల(Movie in Theaters) ద్వారానే వచ్చాయి. ప్రేక్షకుల సంఖ్య తగ్గినప్పటికీ, 2023లో ఆదాయాలు పెరగడానికి ప్రధాన కారణం టికెట్ ధరలు పెరగడమే. 2022తో పోలిస్తే 2023లో సగటు టిక్కెట్ ధర 9% పెరిగింది.  అయితే మహమ్మారి కంటే ముందు 2019తో పోలిస్తే టిక్కెట్ ధర 22% ఎక్కువ.

అమ్మిన టిక్కెట్లు తక్కువ.. ఆదాయం ఎక్కువ
హిందీ చిత్రాల గురించి చెప్పాలంటే, 2019లో 34.10 కోట్ల టిక్కెట్లు అమ్ముడయ్యాయి. 2023లో కేవలం 27.50 కోట్ల టిక్కెట్లు(Movie in Theaters) మాత్రమే అమ్ముడయ్యాయి. బాక్సాఫీస్ వసూళ్ల గురించి చెప్పాలంటే, 2019లో హిందీ సినిమాలు రూ.4,831 కోట్లు రాబట్టాయి. అదే 2023లో రూ. 5,380 కోట్ల ఆదాయం వచ్చింది. .

భవిష్యత్‌లో వీక్షకుల సంఖ్య కనీసం 20-25% తగ్గే అవకాశం ఉందని మార్కెట్ నిపుణులు భావిస్తున్నారు. వీక్షకుడికి ఇంట్లోనే అందుబాటులో ఉన్న OTT ఎంపికలు-పెరుగుతున్న టిక్కెట్ల ధర దీనికి ప్రధాన కారణంగా వారు భావిస్తున్నారు. ఈ నేపథ్యంలో  థియేటర్‌లో(Movie in Theaters) సినిమా థ్రిల్  అనుభవించాలనుకునే లేదా సినిమాని తీవ్రంగా అభిమానించే వారు మాత్రమే సినిమా చూడటానికి థియేటర్ వరకూ వస్తారని నిపుణులు అంచనా వేస్తున్నారు.