/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2024/02/FotoJet-2024-02-11T174958.688-jpg.webp)
Astrology: హిందూ సాంప్రదాయాల్లో దానం చేస్తే పుణ్యం కలుగుతుందని చెబుతారు. అయితే దానం చేయడానికి కొన్ని నియమాలు ఉంటాయి. వారంలో ప్రతీ రోజుకు ఒక ప్రత్యేకత ఉంటుంది. ఆ రోజు ప్రత్యేకత ఆధారంగా దానాలు చేస్తే శుభ ఫలితాలు కలుగుతాయి. వారంలో ఏ రోజు ఏం దానం చేస్తే ఎలాంటి శుభ ఫలితాలు కలుగుతాయి అనేది ఇప్పుడు తెలుసుకోండి.
ఆదివారం
ఆదివారం సూర్య భగవానుడికి అంకితం చేయబడుతుంది. అన్ని గ్రహాలలో సూర్య భగవానుడు రాజు హోదాను కలిగి ఉంటాడు. సూర్య భగవానుని అనుగ్రహం బలంగా ఉంటే సమాజంలో కీర్తి, గౌరవం లభిస్తాయి . ఆదివారం రోజున బెల్లం, రూబీ రత్నాలు, ఎర్రటి పువ్వులు, గోధుమలను దానం చేయడం మీ జాతకంలో సూర్యుని స్థానాన్ని బలపరుస్తాయి.
సోమవారం
సోమవారం శివుడు, చంద్రునికి అంకితం చేయబడుతుంది. వ్యక్తి జాతకంలో చంద్రదేవుడి స్థానం బలంగా ఉండడం మానసిక ఆరోగ్యం, తల్లితో మంచి సంబంధాలను పెంపొందిస్తుంది. సోమవారం రోజు శివుడి అనుగ్రహం పొందడానికి అన్నం, తెల్లని వస్త్రాలు, తెల్లని పూలు, పాలు, ముత్యాలు, శంఖం దానం చేయాలి. ఇవి శుభ ఫలితాలను కలిగిస్తాయి.
మంగళవారం
హనుమంతుడిని పూజించడానికి మంగళవారాన్ని పవిత్రంగా భావిస్తారు. ఆ రోజు చేసే దానం జాతకంలో అంగారక గ్రహాన్ని బలపరుస్తుంది. మంగళవారం రోజున ఎర్రని పప్పు, ఎర్రని వస్త్రాలు, బాదాం, రాగి పాత్రలు దానం చేస్తే మంచిది.
బుధవారం
బుధవారం బుధ గ్రహానికి అంకితం చేయబడినది. ఈ రోజు గణేశుడిని ఆరాధిస్తారు. బుధుడుని వ్యక్తి తెలివితేటలు, వాక్చాతుర్యం, వ్యాపారం వంటి వాటికి అధిపతిగా పరిగణిస్తారు. బుధవారం రోజు బచ్చలికూర, ఆకుపచ్చ, నీలం రంగు వస్త్రాలు, పచ్చి గడ్డి, కంచు పాత్రలు దానం చేస్తే బుధుడు స్థానం బలపడుతుంది.
గురువారం
గురువారం రోజు విష్ణు దేవుణ్ణి పూజిస్తారు. ఈరోజు కుంకుమపువ్వు, పసుపు, బంగారం, శనగపప్పు, పచ్చి ఉప్పు దానం చేస్తే విద్య, ఆధ్యాత్మికత, వినయం, పురోగతి, పిల్లలకు సంబంధించి విశేష ఫలితాలను చేకూరుస్తుంది.
శుక్రవారం
శుక్రవారం లక్ష్మీదేవి, శుక్ర గ్రహానికి అంకితం చేయబడుతుంది. వ్యక్తి జాతకంలో శుక్రదేవుడి స్థానం బలంగా ఉండడం వైవాహిక, భౌతిక ఆనందాన్ని సూచిస్తాయి. శుక్రవారం ఖీర్, సుగంధ ద్రవ్యాలు, పెరుగు, రంగురంగుల వస్త్రాలు, వెండి , అన్నం దానం చేస్తే శుక్ర గ్రహం బలబడుతుంది.
శనివారం
శనివారం శని దేవుడికి అంకితం చేస్తారు. శనివారం రోజు నలుపు వస్త్రాలు, ఇనుము, నూనె, నువ్వులు దానం చేయాలి. ఇలా చేస్తే శని గ్రహం బలపడి బాధలు, రోగాలు రాకుండ శుభ ఫలితాలను ఇస్తుంది.
Also Read: Kitchen Tips: ఇంట్లో పప్పుకు పురుగు పడుతుందా.. అయితే ఈ టిప్స్ మీ కోసమే