Crackers Effect: టపాసుల పొగతో కళ్ళు మండుతున్నాయా? ఈ హోమ్ రెమిడీస్ మీకోసమే!

Crackers Effect: దీపావళి పండుగ అంటేనే పటాసుల పండగ. టపాకాయలు లేకుండా దీపావళి పండుగ ఊహకు కూడా అందదు. అయితే, పటాసుల పొగ తో అనేక ఆరోగ్య సమస్యలు కూడా వస్తాయి. వాతావరణంలోకి పొగ వ్యాపించడంతో అది మన కళ్ళలోకి.. శరీరంలోకి చేరి అనేక సమస్యలు తీసుకువస్తుంది. ఊపిరి తిత్తుల ఆరోగ్యం దీనివలన పాడవుతుంది. అంతేకాకుండా ఈ పొగ వల్ల కళ్లలో మంట, దురద వస్తుంది.

పటాసుల పొగ వాళ్ళ కళ్ళలో దురద, మంట వస్తే ఏమి చేయాలో తెలుసుకుందాం. 

దోసకాయతో: 

పటాకుల పొగ(Crackers Effect) వల్ల కళ్లలో మంట లేదా దురద ఉంటే, అప్పుడు దోసకాయను ఉపయోగించి సమస్య నుంచి ఉపశమనం పొందవచ్చు. దోసకాయ ముక్కలను కాసేపు రిఫ్రిజిరేటర్‌లో ఉంచండి. ఇప్పుడు ఈ ముక్కలను కళ్లపై ఉంచండి. ఇలా దోసకాయ ముక్కలను 15-20 నిమిషాల పాటు కాళ్లపై ఉంచి తర్వాత తొలగించవచ్చు. ఇది కళ్ళ వాపును తగ్గిస్తుంది.  ఇరిటేషన్  నుంచి  ఉపశమనం కూడా ఇస్తుంది. పొందుతుంది. దోసకాయ కళ్లకింద వచ్చే నల్లటి వలయాలను తొలగించడంలో కూడా సహాయపడుతుంది.

చల్లని పాలతో:

పటాకుల పొగ వల్ల కళ్లలో మంట లేదా దురద ఉంటే, అప్పుడు చల్లని పాలు ప్రభావవంతంగా ఉంటాయి. పాలలో యాంటీ బ్యాక్టీరియల్ గుణాలు ఉన్నాయి, ఇది కంటి దురదను తగ్గిస్తుంది. చల్లని పాలు కళ్లకు చల్లదనాన్ని ఇస్తాయి.

3-4 స్పూన్ల పాలు తీసుకోండి. అందులో దూదిని ముంచి కళ్లపై పెట్టుకోవాలి. మీరు కాటన్ పాలలో ముంచి, ఆ దూదిని మీ చేతులతో పట్టుకుని కొంత సమయం పాటు మీ కళ్లపై ఉంచుకోవచ్చు. ఇది కళ్లకు చల్లదనాన్ని అందించడమే కాకుండా మంట నుంచి ఉపశమనం కలిగిస్తుంది. పటాకుల పొగ కళ్లలో అలర్జీని కలిగిస్తే, చల్లని పాలు మేలు చేస్తాయి.

Also Read: దీపావళిని జాగ్రత్తగా జరుపుకోవాలనుకుంటున్నారా..అయితే ఈ టిప్స్ ఫాలో అయిపోండి!

రోజ్ వాటర్:

పటాకుల పొగ వల్ల కళ్లలో వచ్చే చికాకును తగ్గించడంలో రోజ్ వాటర్ మేలు చేస్తుంది. రోజ్ వాటర్‌లో యాంటీ ఆక్సిడెంట్లు ఉంటాయి.  ఇవి కళ్లలో చికాకు, దురద - వాపును తగ్గిస్తాయి.

ఒక కప్పు నీటిలో 2-3 స్పూన్ల రోజ్ వాటర్ కలపండి. ఇప్పుడు కాటన్ ముక్క తీసుకుని ఈ నీటిలో ముంచండి. తడి దూదిని కళ్లపై రాసి తడపాలి. కళ్లలో మంట తగ్గుతుంది. మీకు కావాలంటే, మీరు నీరు - రోజ్ వాటర్ మిశ్రమంతో మీ కళ్ళను కడుక్కోవచ్చు కూడా. 

బంగాళాదుంపలతో: 

కంటి చికాకును తగ్గించడంలో బంగాళాదుంప కూడా ప్రభావవంతంగా ఉంటుంది. బంగాళదుంపలో ఆస్ట్రింజెంట్ లక్షణాలు కనిపిస్తాయి. ఈ లక్షణాలు కంటి దురద, మంట - వాపును తగ్గించడంలో సహాయపడతాయి. బంగాళాదుంపను  6-8 ముక్కలుగా కత్తిరించండి. ఇప్పుడు ఈ ముక్కలను అరగంట నుండి 1 గంట వరకు రిఫ్రిజిరేటర్‌లో ఉంచండి. దీని తరువాత, మీ కళ్ళపై ఉంచండి. విశ్రాంతి తీసుకోండి.  చల్లటి బంగాళాదుంపలు కళ్ళకు ఉపశమనం కలిగించడమే కాకుండా, కళ్ళలో చికాకు- వాపును కూడా తగ్గిస్తాయి. మీరు నల్లటి వలయాలు - మొటిమల నుండి కూడా ఉపశమనం పొందుతారు.

గమనిక: ఈ ఆర్టికల్ ప్రాధమిక అవగాహన కోసం ఇచ్చింది. వివిధ సందర్భాల్లో వైద్య నిపుణులు.. వేర్వేరు ఆర్టికల్స్ లో ఇచ్చిన సమాచారం ఆధారంగా ఈ ఆర్టికల్ ఇవ్వడం జరిగింది. ఏదైనా ఆరోగ్య సమస్య ఉన్నపుడు మీ వైద్యుని సలహా తీసుకోవడం తప్పనిసరి. 

Watch this interesting Video: