ఆకాశానంటుతున్న కంచి పట్టు చీరల ధరలు..రెండేళ్లలో 50 శాతం పెరుగుదల!

కాంచీపురం చేనేత పట్టుచీరలు ప్రపంచప్రసిద్థిగాంచినవి. కేంద్ర ప్రభుత్వం నుంచి గుర్తింపు పొందిన ఈ  పట్టుచీరల ధర ఇప్పుడు 50 శాతం పెరిగాయి. వెండి, బంగారం ధర రోజు రోజుకు ఆకాశాన్ని అంటుతుండటంతో దాని ప్రభావం చీరల ధర పై పడుతుంది.

ఈ ఏడాది పెళ్లిళ్ల సీజన్‌ కావటంతో కాంచీపురం పట్టు చీరలను కొనుగోలు చేసేందుకు పెళ్లి వారు పరిగెడుతుంటారు. కానీ, ఆకాశాన్నంటుతున్న బంగారం ధరల కారణంగా  చీరలుధరలు పెరగటంతో  వారి జేబులకు చిల్లులు పడుతున్నాయి. కాంచీపురం పట్టు చీరల ధర గత ఎనిమిది నెలల్లో 50% పెరిగింది.దీని వలన ధరపై అవగాహన ఉన్న వినియోగదారులు తక్కువ బంగారం , వెండి కంటెంట్ లేదా రెండు విలువైన లోహాలు లేని చీరలను కొనుగోలు చేయటం ప్రారంభిస్తున్నారు.

చాలా మంది కస్టమర్లు నిర్దిష్ట బడ్జెట్‌తో వస్తారని తక్కువ బంగారం,వెండితో కూడిన (కాంచీపురం) పట్టు చీరలను ఇష్టపడతారని టెక్స్ టైల్స్ యజమానులు చెబుతున్నారు. అయితే కొందరు తమ బడ్జెట్‌కు తగ్గట్టుగా చీరలను ఆర్డర్ చేసేవారని ఇంతలో పట్టు చీరల ధర పెరగడంతో వారు కొనుగోలు పై వెనక్కి తగ్గుతున్నారని..దీని ప్రభావం నేత నేసిన వారిపై అమ్మకాలు జరిపే మా పై పడుతున్నాయని వారు అన్నారు.