Bookie Teaser: విజయ్ ఆంటోనీ ‘బూకీ’ తమిళ్ ప్రోమో రిలీజ్!

Bookie Teaser: ప్రముఖ సంగీత దర్శకుడు, నటుడు, నిర్మాత విజయ్ ఆంటోనీ(Vijay Antony) తన బ్యానర్ విజయ్ ఆంటోనీ ఫిలిం కార్పొరేషన్ (VAFC) ద్వారా 18వ సినిమాను ప్రేక్షకుల ముందుకు తీసుకొస్తున్నారు. ఈ సినిమా పేరు ‘బూకీ’. ఈ చిత్రానికి సంబంధించిన అధికారిక ప్రోమోను 2026 జనవరి 19న విజయ్ ఆంటోనీ స్వయంగా విడుదల చేశారు.

ఈ సినిమాతో అజయ్ ధిషన్ హీరోగా పరిచయం అవుతున్నారు. ఆయన విజయ్ ఆంటోనీ అక్క కుమారుడు. గతంలో కొన్ని సినిమాలకు అసిస్టెంట్ డైరెక్టర్‌గా కూడా పనిచేశారు. అలాగే విజయ్ ఆంటోనీ నటించిన మార్గన్ సినిమాలో ఒక చిన్న పాత్రలో కనిపించారు. ఇప్పుడు తొలిసారి హీరోగా నటిస్తున్నారు.

‘బూకీ’ సినిమాకు గణేష్ చంద్ర దర్శకత్వం వహిస్తున్నారు. ఇంతకు ముందు ఆయన సలీం సినిమాకు సినిమాటోగ్రాఫర్‌గా పనిచేశారు. ఈ సినిమాలో హీరోయిన్‌గా ఆర్‌కే ధనుషా నటిస్తున్నారు.

ఈ సినిమా కథ ఈరోజు జెన్-జీ / 2కే యువత మధ్య ఉండే ప్రేమ, సంబంధాల సమస్యలు, భావోద్వేగ పరిస్థితుల చుట్టూ తిరుగుతుంది. వీటిని సరదా కామెడీతో పాటు, ఆసక్తికరమైన మలుపులతో చూపించనున్నారు.

ఈ చిత్రంలో పాండియరాజన్, సునీల్ (తెలుగు నటుడు), ఇందుమతి మణికందన్, వివేక్ ప్రసన్న, బ్లాక్ పాండి, ఆదిత్య కతిర్, ప్రియాంక వంటి వారు ముఖ్య పాత్రల్లో నటిస్తున్నారు. విజయ్ ఆంటోనీ కూడా ఈ సినిమాలో ఒక స్పెషల్ క్యామియోలో కనిపించనున్నారు.

ఈ సినిమాకు సంగీతం, ఎడిటింగ్‌ను విజయ్ ఆంటోనీనే నిర్వహించారు. ‘బూకీ’ సినిమాను తమిళం, తెలుగులో ఒకేసారి తెరకెక్కించారు. ఇది ఒక యూత్‌ఫుల్ రొమాంటిక్ కామెడీగా, ముఖ్యంగా వాలెంటైన్స్ డే ఆడియన్స్ను టార్గెట్ చేసుకొని రిలీజ్ అవుతోంది.

‘పూకీ’ సినిమా 2026 ఫిబ్రవరి 13న, వాలెంటైన్స్ డే వీకెండ్‌లో థియేటర్లలో విడుదల కానుంది. ఇప్పటికే విడుదలైన ప్రోమోకు సోషల్ మీడియాలో మంచి స్పందన వస్తోంది. యువతకు నచ్చే ఫీల్, విజయ్ ఆంటోనీ బ్యాక్‌గ్రౌండ్ మ్యూజిక్ స్టైల్, కామెడీ టైమింగ్ ప్రేక్షకులను ఆకట్టుకుంటున్నాయి. త్వరలో థియేటర్లలో సందడి చేయడానికి ‘బూకీ’ సిద్ధంగా ఉంది.