ఇలాంటి బంగాళాదుంప తింటే ఏమవుతుందో తెలుసా..!అస్సలు ఊహించలేరు

ప్రతీ ఇంట్లో బంగాళాదుంపను రకరకాల వంటకాల తయారీకి ఉపయోగిస్తారు. సాంబార్, కుర్మా, ఫ్రై, కర్రీ ఇలా బంగాళాదుంపతో డిఫరెంట్ ఐటమ్స్ చేస్తారు. అయితే కొన్ని సందర్భాల్లో బంగాళాదుంపల పై మొలకలు వస్తాయి. కొంతమంది వీటి ప్రభావం గురించి తెలియక తినేస్తూ ఉంటారు.

అయితే మొలకెత్తిన బంగాళాదుంపలు తినడం ఆరోగ్యానికి హానికరమని చెబుతున్నారు నిపుణులు. వీటిని అలాగే వండుకొని తినడం ద్వారా కళ్ళు వాపులు, వాంతులు, వికారం వంటి సమస్యలు తలెత్తే ప్రమాదం ఉందని నిపుణులు అంటున్నారు.

బంగాళాదుంపలు 68 డిగ్రీల ఉష్ణోగ్రతలో ఉంచినప్పుడు మొలకెత్తుతాయి. మొలకెత్తిన బంగాళాదుంపలో సాధారణ వాటి కంటే పోషక విలువల శాతం తక్కువగా ఉంటుంది.

మొలకెత్తిన బంగాళాదుంపల్లో గ్లైకోఅల్కలాయిడ్స్ అనే సహజ విషపూరిత సమ్మేళనాలు ఉత్పత్తి అవుతాయి. వీటిని సోలనిన్, చాకోనిన్ గ్లైకోఅల్కలాయిడ్స్ గా పిలుస్తారు.

గ్లైకోఅల్కలాయిడ్స్ అనే విషపూరితాల సమ్మేళనాలు కలిగిన ఈ బంగాళదుంపలను తినడం ద్వారా వికారం, వాంతులు, విరేచనాలు, కడుపు నొప్పి వస్తుంది. అంతేకాదు తల నొప్పి సమస్య కూడా తలెత్తుతుంది.

ముఖ్యంగా మధుమేహ రోగులకు ఇవి చాలా హానికరం. వీటిని తినడం ద్వారా రక్తంలో చక్కర స్థాయిలు వేగంగా పెరిగే ప్రమాదం ఉంటుంది. అందుకే ఇలాంటి బంగాళాదుంపలను తీసుకోకపోవడం మంచిది.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.