'స్త్రీ 2' సీక్వెల్ పై శ్రద్ధా మాటలు వింటే ఆశ్చర్యపోతారు!

శ్రద్ధా కపూర్ లీడ్ రోల్లో నటించిన లేటెస్ట్ కామెడీ హర్రర్ స్త్రీ 2. ఆగస్టు 15న విడుదలైన ఈ మూవీ బాక్స్ ఆఫీస్ వద్ద కాసుల వర్షం కురిపించింది. 39 రోజుల్లోనే రూ. 713కోట్ల గ్రాస్ వసూళ్లను సాధించింది.

అయితే తాజాగా ఓ ఇంటర్వ్యూలో పాల్గొన్న శ్రద్ధాకపూర్‌ 'స్త్రీ' చిత్రానికి సంబంధించి ఆసక్తికర విషయాలను పంచుకుంది. మొదట 'స్త్రీ' కి సీక్వెల్‌ చేయాలనే ఆలోచనే లేదని. కానీ తర్వాత డైరెక్టర్ అమర్‌ కౌశిక్‌ కథ చెప్పగానే విని షాకయ్యానని. ఇంత కొత్తగా ఎలా ఆలోచించాడా? అని అనిపించిందని తెలిపింది.

స్త్రీ 2 ఇంతటి విజయాన్ని సాధిస్తుందని ఏ మాత్రం ఊహించలేదని. ఓ హర్రర్ కామెడీ సినిమాకు రూ. 900కోట్లు రావడమేంటని ఆశ్చర్యం కలిగిందని. సినిమాకు కథ బాగుంటే చాలని స్త్రీ 2 రుజువైందని సంతోషం వ్యక్తం చేసింది శ్రద్ధ.

ఈ క్రమంలోనే శ్రద్ధ 'స్త్రీ 2' సీక్వెల్ 'స్త్రీ 3' సంబంధించి ఇంట్రెస్టింగ్ అప్డేట్ షేర్ చేసుకుంది. స్త్రీ 3 లో ఎంటర్ టైన్మెంట్ ఇంతకు మించి ఉంటుందని. ఇప్పటికే స్క్రిప్ట్ వర్క్ కు సంబంధించి చాలా పనులు మొదలయ్యాయని అదిరిపోయే అప్డేట్ అందించింది శ్రద్ధాకపూర్‌.

స్త్రీ 2 తొలిరోజే రూ. 58.20 కోట్ల వసూళ్లతో ఫైటర్, కల్కి వంటి భారీ చిత్రాల ఓపెనింగ్ రికార్డులను బ్రేక్ చేసింది. అమర్ కౌశిక్ దర్శకత్వం వహించిన ఈ చిత్రంలో ఖురానా, పంకజ్ త్రిపాఠి, అభిషేక్ బెనర్జీ, అపరశక్తి తదితరులు ప్రధాన పాత్రలు పోషించారు.

శ్రద్దా రణ్ బీర్ కపూర్ సరసన 'తు జూత్ మెయిన్ మక్కార్' మూవీతో సూపర్ హిట్ అందుకుంది. ఈ ఏడాది స్త్రీ 2 తో మరో హిట్టు కొట్టింది. ఈ బాలీవుడ్ బ్యూటీ శ్రద్ధ ప్రభాస్ సరసన 'సాహో' సినిమాతో టాలీవుడ్ ఎంట్రీ ఇచ్చింది.