3 స్టేట్స్‌.. 9 థియేటర్స్‌.. రామ్‌చరణ్‌ టీజర్ లాంచ్‌ ప్లాన్‌ చూస్తే మైండ్‌ బ్లాక్ అవ్వడం పక్కా భయ్యా!

Game Changer:   గ్లోబర్ స్టార్ రాంచరణ్ - కోలీవుడ్ స్టార్ డైరెక్టర్ శంకర్ కాంబోలో రాబోతున్న మోస్ట్ అవైటెడ్ ఫిల్మ్ 'గేమ్ చేంజర్'. ప్రస్తుతం పోస్ట్ ప్రొడక్షన్ పనుల్లో బిజీగా ఉన్న ఈ చిత్రం.. జనవరి 10న ప్రేక్షకుల ముందుకు రానుంది. ఈ నేపథ్యంలో మేకర్స్ సినిమా ప్రమోషన్స్ షురూ చేశారు. ఇందులో భాగంగా ఇప్పటికే ఈనెల 9న టీజర్ విడుదల చేయనున్నట్లు అనౌన్స్ చేయగా... తాజాగా దీనికి సంబంధించి మరో అదిరిపోయే అప్డేట్ ఇచ్చారు. 

3 రాష్ట్రాలు 9 థియేటర్లు 

 ఏకంగా మూడు రాష్ట్రాల్లో టీజర్ లాంచ్ సందడి ఉండబోతున్నట్లు పోస్టర్ రిలీజ్ చేశారు. లక్నోలోని ప్రతిభ థియేటర్‌ నుంచి మొదలుకొని మరో రెండు రాష్ట్రాల్లో 'గేమ్‌ ఛేంజర్' టీజర్ లాంచ్ సందడి సాగనుంది. నవంబర్ 9న మూడు రాష్ట్రాలు 11 థియేటర్లలో సాయంత్రం 4:30 గంటల నుంచి సెలెబ్రేషన్స్ షురూ కానున్నట్లు తెలిపారు. తెలుగు రాష్ట్రాల్లో హైదరాబాద్‌, ఖమ్మం, రాజమండ్రి, నెల్లూరు,  వైజాగ్‌, విజయవాడ, తిరుపతి, కర్నూలు, అనంతపూర్,  ప్రాంతాల్లో లాంచ్ ఉండబోతుండగా.. కర్ణాటకలో బెంగళూరులోని ఊర్వశి థియేటర్‌లో, లక్నోలోని ప్రతిభ థియేటర్‌ లో  టీజర్ లాంచ్ ఈవెంట్ జరుగనుంది.

ఈ చిత్రంలో బాలీవుడ్ బ్యూటీ కియారా అద్వానీ రామ్ చరణ్ జోడీగా నటిస్తుండగా.. అంజలి, సముద్రఖని, ఎస్ జె సూర్య, శ్రీకాంత్, సునీల్, ప్రియదర్శి, కమెడియన్ సత్య తదితరులు ప్రధాన పాత్రలు పోషిస్తున్నారు.   

Also Read : ఆ విషయంలో కార్తీని చూస్తే అసూయగా ఉంటుంది.. సూర్య షాకింగ్ కామెంట్స్