Raju Weds Rambai OTT: "రాజు వెడ్స్ రాంబాయి" OTT రిలీజ్.. ఎప్పుడు, ఎక్కడ స్ట్రీమింగ్ అంటే..?

Raju Weds Rambai OTT: చిన్న సినిమా గానే విడుదలైన “రాజు వెడ్స్ రాంబాయి” బాక్స్ ఆఫీస్ వద్ద అందరినీ ఆశ్చర్యపరుస్తూ మంచి విజయాన్ని అందుకుంది. విడుదలైన మొదటి రోజే మంచి టాక్ రావడంతో సినిమా మూడు రోజుల్లో దాదాపు రూ. 7.5 కోట్ల గ్రాస్ వసూలు చేసి, బాక్స్ ఆఫీస్ వద్ద దూసుకెళ్తోంది. తెలంగాణ ప్రాంతంలో సినిమా ప్రత్యేకంగా బలంగా నిలిచింది. చిన్న సినిమా అయినప్పటికీ, ప్రేక్షకుల మౌత్ టాక్ ప్రచారం కావడం ఈ చిత్రానికి పెద్ద ప్లస్ అయ్యింది.

"రాజు వెడ్స్ రాంబాయి" OTT రిలీజ్‌

సినిమా సక్సెస్ తర్వాత ఇప్పుడు చాలా మంది “రాజు వెడ్స్ రాంబాయి” ఎప్పుడు, ఏ OTTలో స్ట్రీమ్ అవుతుందా?” అని తెలుసుకోవాలని ఆసక్తిగా ఎదురుచూస్తున్నారు. ఈ చిత్రానికి డిజిటల్ రైట్స్‌ను ETV Win సొంతం చేసుకుంది.

ఇటీవల నిర్మాత బన్నీ వాస్ ఇచ్చిన ఇంటర్వ్యూలో, ఈ సినిమా OTT రిలీజ్‌పై ముఖ్యమైన విషయాలు వెల్లడించారు. సాధారణంగా చాలామంది తెలుగు సినిమాలు విడుదలైన నాలుగు వారాల్లోనే OTT ప్లాట్‌ఫారమ్‌లోకి వస్తాయి. కానీ “రాజు వెడ్స్ రాంబాయి” మాత్రం థియేటర్లలో 50 రోజులు పూర్తి అయిన తర్వాతే OTTలో విడుదల కానుంది.

అంటే ఈ చిత్రం సంక్రాంతి 2026 సమయంలో, అంటే జనవరి 10 నుండి జనవరి 16 మధ్య ETV Winలో స్ట్రీమింగ్‌కు వచ్చే అవకాశం ఉంది. OTT రిలీజ్ ఆలస్యం కావడంతో, సినిమా  అనుకున్నవారు థియేటర్లలో ఈ సినిమాను చూడొచ్చు. ఎందుకంటే OTT రిలీజ్ కు ఎక్కువ గ్యాప్ ఉంది. మౌత్ టాక్ వల్ల థియేటర్లలో ఈ సినిమా ఇంకా మంచిగా రన్ అవుతోంది.

ఈ సినిమాతో సాయిలు కాంపాటి దర్శకుడిగా పరిచయం అయ్యాడు. ప్రధాన పాత్రలో చైతన్య జొన్నలగడ్డ మంచి పేరును సంపాదించాడు. ఆయన నటనకు సినిమాలో ప్రేక్షకులు బాగా కనెక్ట్ అయ్యారు. సపోర్టింగ్ రోల్స్‌లో శివాజీ రాజా, అనితా చౌదరి తమ పాత్రలకు సరిపోయే ప్రదర్శన చేసి సినిమాకు మంచి బలం అందించారు. గ్రామీణ ప్రేమ కథ నేపథ్యంలో తెరకెక్కిన ఈ సినిమా ప్రేక్షకుల్లో ఒక మంచి అనుభూతిని కలిగించింది.

సంగీతాన్ని సురేష్ బొబ్బిలి అందించగా, ఆయన సంగీతం కథకు మరింత మంచి ఫీలింగ్ తీసుకువచ్చిందని ప్రేక్షకులు పేర్కొన్నారు. సినిమాకు వెనుక నిర్మాతలుగా వేణు ఉడుగుల, రాహుల్ మొపిదేవి పనిచేశారు. కథను సింపుల్‌గా చెప్పడం వల్ల ఈ చిత్రం గ్రామీణ వాతావరణాన్ని బాగా చూపించింది.

తెలంగాణ ప్రాంతంలో సినిమా మొదటి వారం చివర్లోనే చాలా బాగా ఆడింది. రిలీజ్ మూడు రోజుల్లోనే రూ. 7.28 కోట్లు వసూలు చేసి ప్రాఫిట్ జోన్‌లోకి చేరడం చిన్న చిత్రంగా పెద్ద విజయం. కొన్ని చోట్ల టికెట్ ధరలు పెరగడం వల్ల కలెక్షన్లపై ఎలాంటి ప్రభావం చూపుతుందో కూడా ఆసక్తికర అంశం. “రాజు వెడ్స్ రాంబాయి” చిన్న సినిమాగా వచ్చినప్పటికీ, మౌత్ టాక్ పొంది బాక్స్ ఆఫీస్ వద్ద విజయాన్ని అందుకుంది. ఇప్పుడు ప్రేక్షకులందరూ ఎదురుచూస్తున్న OTT రిలీజ్ సంక్రాంతి సందర్భంగా రానుండటంతో మరింత ఆసక్తి పెరిగింది.