ఒక్కొక్కరికి కోట్లలో.. 'పుష్ప' లో ఈ నటుల రెమ్యునరేషన్ ఎంతో తెలిస్తే మైండ్ బ్లాక్!

2024 లో ప్రేక్షకులు అత్యంత ఆసక్తిగా ఎదురుచూస్తున్న చిత్రం 'పుష్ప 2'. సుకుమార్- ఐకాన్ స్టార్ అల్లు అర్జున్ కాంబోలో రూపొందిన ఈ సినిమాపై భారీ అంచనాలు నెలకొన్నాయి. పుష్ప: ది రైజ్ సీక్వెల్ గా రానున్న ఈ సినిమాకు ప్రపంచవ్యాప్తంగా భారీ హైప్ క్రియేట్ అయ్యింది. ఈ భారీ బడ్జెట్ చిత్రంలో నటించిన స్టార్ -స్టడెడ్ తారాగణంతమ అద్భుతమైన నటనకు ఎంత పారితోషికం తీసుకున్నారో ఇక్కడ తెలుసుకోండి..

అల్లు అర్జున్

పుష్ప సినిమాతో పాన్ ఇండియా స్టార్ గా మారిన ఐకాన్ స్టార్ అల్లు అర్జున్.. ఇండియన్ సినిమాలో అత్యధిక పారితోషికం తీసుకునే నటుల్లో ఒకరయ్యారు. పుష్ప 2 కోసం అల్లు అర్జున్ రూ. 300 కోట్లు తీసుకున్నట్లు సమాచారం. దీంతో బన్నీ ఇండియన్ సినిమాలో కొత్త బెంచ్ మార్క్ క్రియేట్ చేశాడు.

రష్మిక

నేషనల్ క్రష్ రష్మిక పుష్ప సినిమాలో శ్రీవల్లిగా ఐకానిక్ పాత్రను పోషించింది. ఇందులో రష్మిక నటనకు దేశవ్యాప్తంగా అభిమానులయ్యారు. పుష్ప2 కోసం రష్మిక రూ. 10 కోట్ల రెమ్యునరేషన్ తీసుకున్నట్లు తెలుస్తోంది. పార్ట్ 1 తో పోలిస్తే సీక్వెల్ రెమ్యునరేషన్ మరింత పెరిగింది.

శ్రీలీల

యంగ్ బ్యూటీ శ్రీలీల పుష్ప 2 స్పెషల్ సాంగ్ 'కిస్సక్' లో తన గ్లామర్, ఎనర్జీ జోడించి మాస్ స్టెప్పులతో దుమ్మురేపింది. కేవలం ఈ ఒక్క పాట కోసం ఈ ముద్దుగుమ్మ రూ. 2కోట్ల పారితోషకం వసూలు చేసిందని సమాచారం.

ఫహద్ ఫాసిల్

విలక్షణ నటుడు ఫహద్ ఫాసిల్ 'పుష్ప' సినిమాలో SP భన్వర్ సింగ్ గా పవర్ ఫుల్ పాత్రలో నటించాడు. తన గ్రిప్పింగ్ పెర్ఫార్మెన్స్, విలక్షణ నటనకు పేరుగాంచిన ఫహద్ ఈ హై-ఆక్టేన్ డ్రామా కోసం రూ. 8 కోట్ల రెమ్యునరేషన్ తీసుకున్నట్లు సినీ వర్గాల్లో టాక్.

భారీ బడ్జెట్ తో రూపొందిన పుష్ప 2 కోసం మేకర్స్ రూ. 400-500 కోట్ల వరకు ఖర్చు చేసినట్లు తెలుస్తోంది. ఈ మూవీ భారతీయ సినిమాలో అత్యంత ఖరీదైన చిత్రాలలో ఒకటిగా నిలిచింది. ఇప్పటికే ఈ ప్రీ రిలీజ్ బిజినెస్ ద్వారా 1,000 కోట్ల వసూళ్ళు సంపాదించింది.

పుష్ప2 ప్రపంచవ్యాప్తంగా డిసెంబర్ 5న.. ఏకంగా 1000 పైగా థియేటర్లలో విడుదల కానుంది. ఇప్పటివరకు ఇండియన్ సినిమాలోనే పుష్ప బిగ్గెస్ట్ రిలీజ్ కానుంది.