Rajasaab Bookings: రెబల్ సాబ్ రాంపేజ్.. $1 మిలియన్ గ్రాస్ తో హ్యాట్రిక్ రికార్డ్..!

Rajasaab Bookings: ప్రభాస్(Prabhas) హీరోగా తెరకెక్కిన ‘ది రాజాసాబ్’ ఇప్పటికే ప్రేక్షకుల్లో భారీ అంచనాలు పెంచుకుంది. ఈ సినిమాకు మారుతి దర్శకత్వం వహిస్తుండగా, హారర్‌- ఫాంటసీ కథతో ప్రేక్షకుల ముందుకు రాబోతోంది. జనవరి 8, 2026న ఈరోజు ప్రపంచవ్యాప్తంగా ఈ సినిమా ప్రీమియర్ షోలు జరగనున్నాయి. సినిమా మీద క్రేజ్ మాత్రం పీక్స్‌కు చేరింది.

REBEL SAAB RAMPAGE 🔥🔥🔥

$𝟏𝐌+ 𝐍𝐎𝐑𝐓𝐇 𝐀𝐌𝐄𝐑𝐈𝐂𝐀 𝐏𝐑𝐄𝐌𝐈𝐄𝐑𝐄𝐒 𝐏𝐑𝐄-𝐒𝐀𝐋𝐄𝐒 & 𝐂𝐨𝐮𝐧𝐭𝐢𝐧𝐠❤️‍🔥#TheRajaSaab Overseas release by @PrathyangiraUS@people_cinemas, Premieres on JAN 8th

🎟️ https://t.co/2peay5XzHr#Prabhas@peoplemediafcypic.twitter.com/2GpNFtIaOS

— Prathyangira Cinemas (@PrathyangiraUS) January 8, 2026

విడుదలకు ముందే ఈ సినిమా నార్త్ అమెరికా మార్కెట్‌లో అరుదైన రికార్డ్ సాధించింది. ప్రీమియర్ షోలు మొదలుకాకముందే $1 మిలియన్ గ్రాస్ కలెక్షన్ దాటడం విశేషం. ఇది ప్రభాస్‌కు విదేశాల్లో ఉన్న బలమైన ఫ్యాన్‌బేస్‌కు నిదర్శనం. టికెట్ల బుకింగ్స్ వేగంగా జరగడంతో ట్రేడ్ వర్గాలు కూడా ఆశ్చర్యపోతున్నాయి. ఇక సినిమా రిలీజ్ అయ్యాక మంచి టాక్ వస్తే, అక్కడ కలెక్షన్లు మరింత పెరిగే అవకాశం ఉందని విశ్లేషకులు చెబుతున్నారు.

ఇటీవల విజయ్ నటించిన ‘జన నాయకన్’ సినిమా వాయిదా పడటంతో, పలు దేశాల్లో ‘ది రాజాసాబ్’కు పోటీ తగ్గింది. దీని వల్ల థియేటర్ల లభ్యత, షో టైమింగ్స్ విషయంలో ఈ సినిమాకు మరింత అనుకూల పరిస్థితులు ఏర్పడ్డాయి. ఇది కూడా ప్రీ రిలీజ్ కలెక్షన్లకు ప్లస్ అయ్యింది.
ఈ చిత్రాన్ని పీపుల్ మీడియా ఫ్యాక్టరీ బ్యానర్‌పై విశ్వప్రసాద్ నిర్మిస్తున్నారు. ప్రభాస్‌కు జంటలుగా మాళవిక మోహనన్, నిధి అగర్వాల్, రిద్ధి కుమార్ నటిస్తున్నారు. ప్రధాన ప్రతినాయకుడి పాత్రలో సంజయ్ దత్ కనిపించనుండటం సినిమాకు మరింత ఆసక్తిని పెంచింది. అలాగే బోమన్ ఇరానీ కూడా కీలక పాత్రలో నటిస్తున్నారు.

సినిమాకు సంగీతాన్ని తమన్ అందించారు. ఇప్పటికే విడుదలైన పాటలు, బ్యాక్‌గ్రౌండ్ మ్యూజిక్ మంచి స్పందన తెచ్చుకున్నాయి. ప్రమోషన్ కంటెంట్ కూడా కొత్తగా ఉండటంతో సినిమా మీద అంచనాలు పెరుగుతున్నాయి. ప్రభాస్ కొత్త లుక్ కూడా అభిమానులను బాగా ఆకట్టుకుంటోంది.

ఇటీవల ఈ సినిమాకు సెన్సార్ బోర్డ్ నుంచి UA16+ సర్టిఫికెట్ లభించింది. కొన్ని సన్నివేశాలు, డైలాగ్స్‌లో చిన్న మార్పులు సూచించగా, చిత్ర బృందం వెంటనే వాటిని పూర్తి చేసింది. 16 ఏళ్లు పైబడిన వారు ఈ సినిమాను చూడవచ్చు. 16 ఏళ్లలోపు పిల్లలు తల్లిదండ్రుల పర్యవేక్షణలో చూడాల్సి ఉంటుంది.

మొత్తానికి, భారీ నిడివి, హారర్, ఫాంటసీ అంశాలు, ప్రభాస్ మాస్ ఇమేజ్ అన్ని కలసి ‘ది రాజాసాబ్’ ఈ సంక్రాంతికి ప్రేక్షకులకు ఒక కొత్త అనుభూతిని ఇవ్వబోతున్న సినిమా అని చెప్పవచ్చు. రిలీజ్ తర్వాత టాక్ ఎలా ఉంటుందన్నదే ఇప్పుడు అందరిలో ఆసక్తిగా మారింది.