ఇన్‌స్టాగ్రామ్‌ లో అదే కంటెంట్ చూస్తున్నారా..! తల్లిదండ్రులు ఇలా చేయాల్సిందే!

ఈ మధ్య చిన్న, పెద్ద తేడా లేకుండా అందరు సోషల్ మీడియాలో గంటల కొద్ది గడుపుతున్నారు. ముఖ్యంగా యువతి, యువకుల్లో ఇన్‌స్టాగ్రామ్ వాడకం మరింత పెరిగిపోయింది.

అయితే ఈరోజుల్లో టీనేజ్ పిల్లలను సోషల్ మీడియా నుంచి కాపాడుకోవడం తల్లిదండ్రులకు సవాలుగా మారింది. పిల్లలకు ఆన్లైన్ కనెక్టివిటీ అనేది కొంతవరకు ఉపయోగకారమే. కానీ కొన్ని సందర్భాల్లో వాళ్ళు చూడకూడని కంటెంట్‌కు గురవడం ఆందోళన కలిగించే విషయం.

ఇలాంటి పరిస్థితుల్లో పిల్లలను సోషల్ మీడియా నుంచి దూరంగా, సురక్షితంగా ఉంచడానికి తల్లిదండ్రులు ఈ జాగ్రత్తలు తప్పనిసరిగా తీసుకోవాలి. అవేంటో ఇప్పుడు తెలుసుకుందాం..

క్వైట్ మోడ్

క్వైట్ మోడ్ అనేది పిల్లల హద్దులను సెట్ చేయడానికి గొప్ప ఫీచర్. ఈ ఫీచర్ నోటిఫికేషన్ లను 12 గంటల వరకు మ్యూట్ చేయడంలో సహాపడుతుంది. తద్వారా పిల్లలు చదివేటప్పుడు లేదా రాత్రి సమయాల్లో డిస్ట్రాక్ట్ అవ్వకుండా ఉంటారు. అంతేకాదు ఈ క్వైట్ మోడ్ లోని ఆటో- రిప్లై ఫీచర్ మెసేజ్ పంపడానికి ప్రయత్నిస్తే వార్నింగ్ సందేశాలను కూడా పంపుతుంది. పిల్లలను సోషల్ మీడియాకు దూరంగా ఉంచడానికి ఈ చాలా బాగా ఉపయోగపడుతుంది.

నైట్ నడ్జ్

కొంతమంది యువకులు, పిల్లలు రాత్రి పడుకునే సమయంలో కూడా మొబైల్ చూసే అలవాటు ఉంటుంది. ఈ అలవాటు రాత్రి పూట నిద్ర నాణ్యతను ప్రభావితం చేస్తుంది.

ఇలాంటి సమయంలో తల్లి దండ్రలు మొబైల్స్ లో నైట్ నడ్జ్ ఫీచర్ ఆన్ చేయడం ద్వారా ఈ సమస్యను పరిష్కరించవచ్చు. ఈ ఫీచర్ పడుకోవాలని గుర్తుచేస్తూ పదే రిమైండర్స్ పంపుతుంది. రాత్రి సమయాల్లో 10 నిమిషాల కంటే ఎక్కువ ఫోన్ చూస్తే 10 నిమిషాలకు ఒకసారి రిమైండర్ సెండ్ చేస్తుంది.

టేక్ ఎ బ్రేక్ ఫీచర్‌

ఒక్కసారి ఇన్‌స్టాగ్రామ్‌ ఓపెన్ చేశారంటే ఎంత సమయం దాంట్లో గడిపేస్తారో కూడా తెలియదు. దీని కోసం పిల్లల ఫోన్స్ లో టేక్ ఎ బ్రేక్ ఫీచర్‌ని ఆన్ చేయాలి. పిల్లలు గంటల కొద్ది ఫోన్ చూస్తూనే ఉన్నప్పుడు.. ఈ ఫీచర్ వారికి బ్రేక్ తీసుకోవాలని గుర్తుచేస్తుంది. ఇన్‌స్టాగ్రామ్‌లో 'డైలీ లిమిట్' అనే పేరుతో ఈ ఫీచర్ ఉంటుంది. పై ఫీచర్‌లు అన్ని పిల్లలు రీసెట్ చేయడానికి, ఫోకస్ చేయడంలో సహాయపడతాయి.

రిస్టిక్టెడ్ మోడ్

పిల్లలు వాడే మొబైల్ ఫోన్స్ ఈ రిస్టిక్టెడ్ మోడ్ ఫీచర్ ని తప్పనిసరిగా ఆన్ చేయాలి. దీని వల్ల వారు చూడకూడని కంటెంట్ ని రిస్ట్రిక్ట్ చేయవచ్చు.