Nani Hit3 TV Premiere: టీవీ టెలికాస్ట్‌లో నాని ‘హిట్ 3’ సినిమాకు ఊహించని టీఆర్‌పీ!

Nani Hit3 TV Premiere: న్యాచురల్ స్టార్ నాని నటించిన తాజా యాక్షన్ సినిమా హిట్ 3. సైలేష్ కొలను దర్శకత్వం వహించిన ఈ చిత్రం థియేటర్లలో మంచి విజయాన్ని సాధించింది. శ్రీనిధి శెట్టి హీరోయిన్‌గా నటించిన ఈ సినిమా ప్రపంచవ్యాప్తంగా దాదాపు 120 కోట్ల రూపాయల గ్రాస్ వసూళ్లు రాబట్టింది.

ఇటీవల సంక్రాంతి సందర్భంగా ఈటీవీలో ఈ సినిమా వరల్డ్ టెలివిజన్ ప్రీమియర్ జరిగింది. అయితే మొదటి టెలికాస్ట్‌లో హిట్ 3 కేవలం 2.67 టీఆర్‌పీ మాత్రమే నమోదు చేసింది. ఇది అందరినీ ఆశ్చర్యానికి గురి చేసింది.

World Television Premiere HIT3 on #ETv Telugu TRP rating is here

U: 2.67 & U+R: 2.19 #HIT3#HITTheThirdCase#Nani#NaniFansArmy#TheParadisehttps://t.co/7s2ZcKSfCypic.twitter.com/bFUhsc1IJP

— Nani Fans Army (@NaniFansArmy) January 22, 2026

ఈ తక్కువ టీఆర్‌పీకి రెండు ప్రధాన కారణాలు ఉన్నాయని తెలుస్తోంది. ఒకటి, పండుగ సమయంలో ప్రేక్షకులు ఎక్కువ హింసతో కూడిన సినిమాలు చూడడానికి ఆసక్తి చూపకపోవడం. రెండవది, సంక్రాంతి సెలవుల్లో చాలా మంది థియేటర్లలో కొత్త సినిమాలు చూడటానికి మొగ్గు చూపడం.

ఈ చిత్రాన్ని ప్రశాంతి తిపిర్నేని వాల్ పోస్టర్ సినిమా, యూనానిమస్ ప్రొడక్షన్స్ బ్యానర్లపై నిర్మించారు. మిక్కీ జే మేయర్ సంగీతం అందించగా, సాను జాన్ వర్గీస్ సినిమాటోగ్రఫీ చేశారు.

హిట్ 3లో సూర్య శ్రీనివాస్, రావు రమేష్, సముద్రఖని, కోమలి ప్రసాద్, నెపోలియన్, ప్రతీక్ బబ్బర్ తదితరులు కీలక పాత్రల్లో నటించారు. నటీనటులు, సాంకేతిక బృందం పారితోషికాలు, ప్రచార ఖర్చులు కలిపి ఈ సినిమాకు సుమారు 60 కోట్ల రూపాయల బడ్జెట్ అయ్యింది.

నాని ఫాలోయింగ్, హిట్ ఫ్రాంచైజీకి ఉన్న క్రేజ్ వల్ల ఈ సినిమాకు మంచి ప్రీ రిలీజ్ బిజినెస్ జరిగింది. థియేట్రికల్‌గా దాదాపు 48.5 కోట్ల రూపాయల బిజినెస్ జరిగినట్లు ట్రేడ్ వర్గాలు తెలిపాయి. సినిమా లాభాల్లోకి రావాలంటే కనీసం 50 కోట్ల షేర్, 100 కోట్ల గ్రాస్ వసూళ్లు అవసరమని అంచనా వేశారు.

ఈ సినిమా డిజిటల్ హక్కులను నెట్‌ఫ్లిక్స్ 54 కోట్లకు సొంతం చేసుకోగా, ఆడియో రైట్స్‌కు 6 కోట్లు, శాటిలైట్ రైట్స్‌కు 12 కోట్లు వచ్చినట్లు సమాచారం. మే 1న ఈ చిత్రాన్ని సుమారు 1000 స్క్రీన్లలో విడుదల చేశారు.

బాక్సాఫీస్ విషయానికి వస్తే, భారత్‌లో ఈ సినిమా 95.58 కోట్ల గ్రాస్, విదేశాల్లో 25 కోట్ల గ్రాస్ వసూలు చేసింది. మొత్తం కలిపి 120.58 కోట్ల గ్రాస్తో హిట్ 3 తన థియేట్రికల్ రన్‌ను ముగించింది.

థియేటర్లలో మంచి ఫలితం సాధించినా, టీవీ ప్రీమియర్‌లో మాత్రం హిట్ 3 ఆశించిన స్థాయిలో ప్రేక్షకులను ఆకట్టుకోలేకపోయింది.