రచ్చ లేపుతున్న మంచు ఫ్యామిలీ ఫైట్‌.. ముంబై పారిపోయిన మంచు లక్ష్మి!

Manchu Family:  మంచు ఫ్యామిలీలో హైడ్రామా కొనసాగుతోంది. మోహన్ బాబు, మనోజ్ గొడవ విషయంలో రాజీ కుదుర్చడానికి ముంబై నుంచి వచ్చిన మంచు లక్ష్మి తిరిగి వెళ్లిపోయినట్లు తెలుస్తోంది. మంచు లక్ష్మీ మోహన్ బాబు, మనోజ్ మధ్య రాజీ ప్రయత్నాలు చేయగా విఫలమైనట్లు సమాచారం. ఆమె ఎంత సర్ది చెప్పడానికి ప్రయత్నించినా.. మనోజ్ మాత్రం తగ్గేదేలే అనే ధోరణిలో ఉన్నారట. దీంతో మంచు లక్ష్మి తన వల్ల కాదని.. హైదరాబాద్ నుంచి తిరిగి ముంబై వెళ్లిపోయినట్లు సమాచారం. 

రంగంలోకి శ్రీశైలం యాదవ్ 

అయితే మనోజ్, మోహన్ బాబు మధ్య జరుగుతున్న ఈ ఆస్తి వివాదాన్ని సెటిల్ చేయడానికి మంచు ఫ్యామిలీ సన్నిహితుడు  శ్రీశైలం యాదవ్ రంగంలోకి దిగనున్నారట. శ్రీశైలం యాదవ్‌కు మంచు ఫ్యామిలీతో అనుబంధం ఉంది.  గతంలో మంచు మనోజ్ శ్రీశైలం యాదవ్  కూతురు పెళ్ళికి కూడా వెళ్లారు.  ఇది ఇలా ఉంటే ఈరోజు తెల్లవారుజామున మంచు విష్ణు బిజినెస్ పార్ట్నర్ విజయ్.. జల్ పల్లిలోని మనోజ్ ఇంటికి వెళ్లి అతని ఇంటి సీసీ టీవీ ఫుటేజ్ తో పాటు హార్డ్ డిస్క్ తీసుకెళ్లాడు. గత రెండు రోజులుగా మనోజ్ ఇంటి ముందు విష్ణు బౌన్సర్లు కాపలా కాస్తున్నారు. ప్రస్తుతం దుబాయ్ లో ఉంటున్న విష్ణు తాజాగా హైదరాబాద్ వచ్చాడు. 

ఏం జరిగిందంటే?

పలు నివేదికల సమాచారం ప్రకారం.. మోహన్ బాబు, మంచు మనోజ్ మధ్య గత కొంత కాలంగా ఈ ఆస్తుల వివాదం నడుస్తున్నట్లు తెలుస్తోంది. పలుమార్లు మనోజ్ తన వాటాపై మోహన్ బాబుతో చర్చలు జరిపినట్లు సమాచారం. కాగా తాజాగా మరోసారి జరిగిన చర్చల్లో మంచు మనోజ్ అడిగిన దానికి మోహన్ బాబు నిరాకరించడంతో.. వీరి మధ్య గొడవ వాతావరణం ఏర్పడినట్లు తెలుస్తోంది. మధ్యలో తనకు మద్దతుగా వచ్చిన భార్య మౌనిక పై మోహన్ బాబు చేయి చేసుకున్నట్లు మనోజ్ ఆరోపిస్తున్నారు. ఇదే అంశంపై మంచు కుటుంబం మరో సారి వార్తల్లో నిలిచింది. గాయాలతో వెళ్లి మనోజ్ పోలీస్ స్టేషన్ లో ఫిర్యాదు చేయగా.. మోహన్ బాబు కూడా మనోజ్ పై ఫిర్యాదు చేశారు. ఇలా ఒకరిపై ఒకరు పరస్పర ఫిర్యాదులు చేసుకున్నారు. మరి మంచు ఫ్యామిలీలో భగ్గుమన్న ఆస్తుల వివాదం ఎంత వరకు దారి తీస్తుందో వేచి చూడాలి.