Kiran Abbavaram: కిరణ్ అబ్బవరం భారీ ప్లాన్.. జీ స్టూడియోస్‌తో పాన్ ఇండియా యాక్షన్ ఎపిక్!

Kiran Abbavaram: టాలీవుడ్ యంగ్ హీరో కిరణ్ అబ్బవరం మరో భారీ ప్రాజెక్ట్‌తో ముందుకు వస్తున్నారు. జీ స్టూడియోస్, నిర్మాత ప్రేరణ అరోరా కలిసి నిర్మిస్తున్న కొత్త పాన్ ఇండియా సినిమాలో కిరణ్ అబ్బవరం హీరోగా నటించనున్నారు. టైటిల్ ఇంకా ఖరారు కాకపోయినా, ఈ సినిమా ఇప్పటికే టాలీవుడ్‌తో పాటు బాలీవుడ్‌లో కూడా హాట్ టాపిక్‌గా మారింది.

Kiran Abbavaram Pan India Movie

ఈ చిత్రాన్ని జీ స్టూడియోస్ అధినేత ఉమేష్ బన్సల్, ప్రేరణ అరోరా కలిసి భారీ స్థాయిలో తెరకెక్కిస్తున్నారు. కీర్తన్ ఈ ప్రాజెక్ట్‌కు సహ నిర్మాతగా వ్యవహరిస్తున్నారు. యాక్షన్, అడ్వెంచర్, డ్రామా ప్రధానంగా రూపొందుతున్న ఈ సినిమాను అన్ని భాషల్లో విడుదల చేయాలని మేకర్స్ ప్లాన్ చేస్తున్నారు.

కిరణ్ అబ్బవరం కెరీర్‌లో ఇది ఒక పెద్ద అడుగు అని చెప్పొచ్చు. ఇప్పటివరకు సహజ నటనతో ప్రేక్షకుల మెప్పు పొందిన కిరణ్, ఈ సినిమాలో పూర్తిగా కొత్త లుక్‌, పవర్‌ఫుల్ అవతార్‌లో కనిపించనున్నారు. బిగ్ స్క్రీన్ పై భారీ కథతో ఆయనను చూపించేందుకు మేకర్స్ ప్రత్యేకంగా ప్లాన్ చేస్తున్నారు.

ఈ ప్రాజెక్ట్‌తో జీ స్టూడియోస్, ప్రేరణ అరోరాల మధ్య ఉన్న క్రియేటివ్ బాండ్ మరింత బలపడింది. గతంలో వీరిద్దరూ కలిసి ‘రుస్తమ్’ వంటి హిట్ సినిమాలు అందించారు. ఇటీవల హిందీ-తెలుగు బైలింగ్వల్ ప్రాజెక్ట్‌తో కూడా మంచి ఫలితం సాధించారు. ఇప్పుడు ఈ సినిమాతో మరింత పెద్ద లక్ష్యంతో ముందుకు వెళ్తున్నారు.

ఈ సినిమా యాక్షన్ అడ్వెంచర్ కథతో పాటు భారతీయ సంస్కృతి, భావోద్వేగాలు, మైథాలజీ టచ్ తో రూపొందనుందని సమాచారం. భారీ విజువల్స్, గ్రాండ్ వరల్డ్ బిల్డింగ్, హై టెక్నికల్ వాల్యూస్‌తో చిత్రాన్ని రూపొందిస్తున్నారు. ప్రస్తుతం ప్రీ-ప్రొడక్షన్ పనులు వేగంగా జరుగుతున్నాయి.

సెప్టెంబర్‌లో షూటింగ్ ప్రారంభం కానుండగా, హీరోయిన్ కోసం టాలీవుడ్, బాలీవుడ్ నటీమణుల పేర్లు పరిశీలనలో ఉన్నట్లు తెలుస్తోంది. దర్శకుడు, ఇతర నటీనటులు, సాంకేతిక బృందం వివరాలను త్వరలోనే అధికారికంగా ప్రకటించనున్నారు.

మొత్తానికి, పెద్ద నిర్మాణ సంస్థ, అనుభవజ్ఞులైన నిర్మాతలు, పాన్ ఇండియా స్థాయిలో కథతో కిరణ్ అబ్బవరం నటిస్తున్న ఈ సినిమా ఆయన కెరీర్‌లో కీలక మలుపుగా మారనుందని సినీ వర్గాలు భావిస్తున్నాయి.