డ్రగ్స్ కేసులో పట్టుబడ్డ ఢీ కొరియోగ్రాఫర్!

హైదరాబాద్ లో మరోసారి డ్రగ్స్ కలకలం రేగింది. మాదాపూర్ లోని ఓ హోటల్ ఓయో రూంలో డ్రగ్స్ పార్టీ నిర్వహించగా.. సమాచారం అందుకున్న పోలీసులు హోటల్ పై రైడ్ చేశారు. ఈ పార్టీలో నిర్వాహకుడు గంగాధర్ తో పాటు పార్టీలో పాల్గొన్న ఢీ కొరియోగ్రాఫర్ కన్హా మొహంతి, ప్రముఖ ఆర్కిటెక్ట్ ప్రియాంక రెడ్డి, సఖి, గంగాధర్  పట్టుబడ్డారు. నిందితుల నుంచి రూ.4.18 లక్షల విలువైన MDMA, ఎల్ఎస్, చరాస్​ డ్రగ్స్ ని  సీజ్  చేసినట్లు సమాచారం. అయితే పోలీసులు సమాచారం ప్రకారం..  ఏపీలోని విజయనగరానికి చెందిన గంగాధర్ అనే వ్యక్తి మద్దెలపాలెంలో ఉంటూ స్టాక్ మార్కెట్ చేస్తున్నాడు. ఈ క్రమంలో అతనికి కన్హ మొహంతి, అర్కిటెక్చర్  ప్రియాంకా రెడ్డి, సఖి ఫ్రెండ్స్  అయ్యారు. కాగా, గంగాధర్ సులభంగా డబ్బులు సంపాదించేందుకు బెంగళూరు నుంచి నగరానికి డ్రగ్స్​ తెప్పించడం చేస్తుండేవాడు.

కన్హా తో పాటు నలుగురు 

ఇందులో భాగంగానే డ్రగ్స్ పార్టీ నిర్వహించేందుకు ప్లాన్ చేశాడు.  గంగాధర్ కొరియోగ్రాఫర్ కన్హాతో కలిసి బెంగళూర్ నుంచి ఎండీఎంఏ డ్రగ్,  గంజాయి, ఇతర డ్రగ్స్ తీసుకొచ్చి.. గచ్చిబౌలిలోని ఓ హోటల్ రూమ్ లో పార్టీ చేసుకుంటుండగా.. పోలీసులకు పట్టుబడ్డారు. ఆ గదిలో డ్రగ్స్ తో పాటు 6 మొబైల్ ఫోన్స్ స్వాధీనం చేసుకున్నారు పోలీసులు. ఈ ఘటన పై కేసు నమోదు చేసిన పోలీసులు.. నలుగురిని రిమాండ్ కు తరలించినట్లు తెలుస్తోంది.