Dharmendra Deol: ధర్మేంద్ర చనిపోలేదు.. బిగ్ ట్విస్ట్ ఇచ్చిన కూతురు

Dharmendra Deol: ప్రసిద్ధ బాలీవుడ్ నటుడు ధర్మేంద్ర మరణించినట్లు సోషల్ మీడియా, కొన్ని మీడియా వార్తలలో ప్రచారం మొదలైంది. ఈ వార్తలు దేశవ్యాప్తంగా ట్రెండ్ అయ్యాయి. అయితే, ఆయన కుమార్తె, నటి ఇషా డియోల్ ఈ వార్తలను పూర్తిగా తప్పుడు వార్తలు అని స్పష్టంగా తెలిపారు. ఇషా డియోల్ తన అధికారిక ఇన్‌స్టాగ్రామ్ ఖాతాలో పోస్టు పెట్టి, తండ్రి ధర్మేంద్ర “నిలకడగా ఉన్నారు, త్వరగా కోలుకుంటున్నారు” అని పేర్కొన్నారు.

నా తండ్రి చనిపోలేదు: ఇషా డియోల్

ఇషా డియోల్ తన పోస్టులో ఇలా అన్నారు.. “మీడియా కొన్ని విషయాలను పెద్దగా చూపిస్తూ, తప్పుడు వార్తలు వ్యాప్తి చేస్తున్నట్లు అనిపిస్తుంది. నా తండ్రి ఆరోగ్యం స్తిరంగా ఉంది, కోలుకుంటున్నారు. మా కుటుంబానికి కొంత ప్రైవసీ ఇవ్వాలని మనస్ఫూర్తిగా కోరుకుంటున్నాం. తండ్రి త్వరగా కోలుకోవాలని ప్రార్థించినందుకు అందరికీ ధన్యవాదాలు.”

View this post on Instagram

A post shared by ESHA DEOL (@imeshadeol)

ఇది గడచిన కొన్ని రోజులుగా బయటపడిన ధర్మేంద్ర ఆరోగ్య వార్తల నేపథ్యంలో, అభిమానుల్లో అనుమానాలు, ఆందోళనలు కలిగించాయి. ధర్మేంద్ర నవంబర్ 1న ఊపిరితిత్తుల సమస్యతో ఆసుపత్రిలో చేరారు. కొన్ని వార్తల్లో ఆయన ICUలో చికిత్స పొందుతున్నారని, వెంటిలేటర్‌పై ఉన్నారని కూడా వార్తలొచ్చాయి. కానీ, సన్నీ డియోల్ టీమ్ ఈ అతి ప్రచారాన్ని ఖండిస్తూ, ధర్మేంద్ర ఆరోగ్యం స్తిరంగా ఉంది, నిలకడగా ఉన్నారు అని ప్రకటించింది.

ఈ నేపథ్యంలో, హేమా మలినీ కూడా సోషల్ మీడియా ద్వారా ఒక క్లారిటీ ఇచ్చారు. “ధర్మేంద్ర ఆసుపత్రిలో చికిత్స పొందుతున్నారు. ఆయన పరిస్థితి స్తిరంగా ఉంది. అందరూ ఆయన త్వరగా కోలుకోవాలని ప్రార్థించండి. మేము ఆయనకు సపోర్ట్ అందిస్తున్నాం” అని పేర్కొన్నారు.

What is happening is unforgivable! How can responsible channels spread false news about a person who is responding to treatment and is recovering? This is being extremely disrespectful and irresponsible. Please give due respect to the family and its need for privacy.

— Hema Malini (@dreamgirlhema) November 11, 2025

ఇక ప్రొఫెషనల్ పరంగా, ధర్మేంద్ర ఇటీవల కరణ్ జోహార్ దర్శకత్వంలో వచ్చిన రోకీ అవర్ రాని కీ ప్రేమ కహాని (2023) సినిమాలో కన్వాల్ లండ్ పాత్రలో నటించారు. ఈ పాత్ర చేసిన ధర్మేంద్రకు చాలా ప్రశంసలు లభించాయి. త్వరలో, శ్రీరామ్ రాఘవన్ దర్శకత్వంలోని 'ఇక్కడ్', అర్బాజ్ ఖాన్ దర్శకత్వంలోని 'మేన్ ప్యార్ కియా ఫిర్ సె' సినిమాల్లో ఆయన కనిపించనున్నారు, ఇవి ఆయన కెరీర్‌లో కొత్త మైలురాళ్లుగా నిలవనున్నాయి.

ధర్మేంద్ర తన నటనా జీవితంలో ఎన్నో గుర్తింపు పొందిన పాత్రలు పోషించి, అభిమానుల హృదయాల్లో ప్రత్యేక స్థానాన్ని సంపాదించుకున్నారు. ఇషా డియోల్ క్లారిటీ ఇచ్చిన తర్వాత, అభిమానులు మళ్లీ ప్రశాంతంగా ఆయన ఆరోగ్య పరిస్థితి మెరుగయ్యి త్వరగా కోలుకోవాలని కోరుకుంటున్నారు.