Stalin Re- Release: మెగా ఫ్యాన్స్ కి పండగ.. మరో 5 రోజుల్లో మెగాస్టార్ సూపర్ హిట్ మూవీ రీ రిలీజ్

మెగాస్టార్ చిరంజీవి నటించిన సూపర్ హిట్ 'స్టాలిన్' చిత్రాన్ని రీ రిలీజ్ చేయబోతున్నట్లు ప్రకటించారు.

దాదాపు 18 ఏళ్ళ తర్వాత ఈ చిత్రం మరోసారి థియేటర్స్ సందడి చేసేందుకు సిద్దమవుతోంది. ఈ నెల 22న ఎంపిక చేసిన పలు థియేటర్స్ లో రీ రిలీజ్ కానుంది.

రీ రిలీజ్ ఇంకా ఐదు రోజులు మాత్రమే ఉండడంతో.. మెగా ఫ్యాన్స్ సోషల్ మీడియాలో సందడి మొదలు పెట్టారు. స్టాలిన్ సినిమాకు సంబంధించిన వీడియోలు, పోస్టర్లు షేర్ చేస్తూ హంగామా చేస్తున్నారు.

అయితే ఈ సారి మెరుగైన దృశ్య అనుభవం కోసం సినిమాను 8k వెర్షన్ లో రిలీజ్ చేస్తున్నారు.

ఏ.ఆర్. మురుగదాస్ దర్శకత్వం వహించిన ఈ చిత్రం 2006 లో విడుదలైంది.

ఇందులో చిరంజీవి సరసన త్రిష హీరోయిన్ గా నటించగా, ఖుష్బూ చిరంజీవికి అక్కగా నటించారు. ప్రకాష్ రాజ్ విలన్ పాత్రలో నటించారు.

సమాజంలో మంచి పనులు చేసేటప్పుడు, సహాయం పొందిన వారు కృతజ్ఞతలు చెప్పడానికి బదులుగా.. అదే మంచి పనిని మరో ముగ్గురికి చేసి, ఆ ముగ్గురు ఇంకో ముగ్గురికి సహాయం చేయాలి' అనే సందేశం ఈ సినిమాలో చూపించారు.