'క' మూవీ పై మెగాస్టార్ రెస్పాన్స్ ఇదే.. కిరణ్ అబ్బవరం ట్వీట్ వైరల్

యంగ్ హీరో కిరణ్ అబ్బవరం నటించిన లేటెస్ట్ ఫాంటసీ థ్రిల్లర్ 'క'. దీపావళి కానుకగా విడుదలైన ఈ చిత్రం బాక్స్ ఆఫీస్ వద్ద పాజిటివ్ టాక్ తో దూసుకెళ్తోంది. సరి కొత్త కాన్సెప్ట్ తో ప్రేక్షకులను ఆకట్టుకుంటోంది.

తాజాగా ఈ మూవీ పై మెగాస్టార్ చిరంజీవి ప్రశంసలు కురిపించారు. హీరో కిరణ్ అబ్బవరం, చిత్ర యూనిట్ ను స్వయంగా ఇంటికి పిలిచి ప్ర‌త్యేకంగా అభినందించారు. ఇందుకు సంబంధించిన ఫోటోలను కిరణ్ అబ్బవరం తన ట్విట్టర్ వేదికగా పంచుకున్నారు.

కిరణ్ ట్వీట్ చేస్తూ.. బాస్ నుంచి ప్రశంసలు వచ్చాయి. మీతో కలిసి 1గంట పాటు జరిపిన సుదీర్ఘ సంభాషణకు చాలా ధన్యవాదాలు చిరంజీవి గారు. మిమల్ని కలిసిన ప్రతీసారి ఆశీర్వాదంగా భావిస్తాను అంటూ రాసుకొచ్చారు.

తొలిరోజు బాక్స్ ఆఫీస్ వద్ద రూ. 6కోట్ల వసూళ్లను రాబట్టిన 'క' చిత్రం.. వారం రోజుల్లోనే రూ.50 కోట్లకు పైగా వ‌సూళ్ల‌ను సాధించింది. చాలా కాలం తర్వాత 'క' మూవీతో కిరణ్ ఖాతాలో మరో హిట్టు పడింది.

'క' చిత్రాన్ని సుజిత్ , సుదీప్ తెరకెక్కించారు. యంగ్ బ్యూటీ నయన్ సారిక కథానాయికగా నటించింది. కిరణ్ రాజావారు రాణీవారు, సమ్మతమే, ఎస్ ఆర్ కళ్యాణ మండపం సినిమాలతో మంచి గుర్తింపు తెచుకున్నారు.