లేడీ ఓరియెంటెడ్ సినిమాతో వచ్చేస్తున్న 'భీమ్లానాయక్' బ్యూటీ

భీమ్లా నాయక్, విరూపాక్ష, సార్ సినిమాలతో తెలుగులో సూపర్ క్రేజ్ సొంతం చేసుకున్న మలయాళ కుట్టి సంయుక్త వరుస చిత్రాలు చేస్తూ దూసుకెళ్తోంది.

ప్రస్తుతం ఈ బ్యూటీ నిఖిల్ సరసన పాన్ ఇండియా ఫిల్మ్ స్వయంభు చేస్తుంది. ఇక ఈ మూవీ చిత్రీకరణ దశలో ఉండగానే మరో క్రేజీ ఆఫర్ కొట్టేసింది. సరికొత్తగా ఫీమేల్ ఓరియెంటెడ్ సినిమాతో ప్రేక్షకుల ముందుకు రాబోతుంది.

సంయుక్త లీడ్ రోల్లో న్యూ ఏజ్ డ్రామాగా రూపొందుతున్న ఈ మూవీని నేడు పూజ కార్యక్రమాలతో గ్రాండ్ గా లాంచ్ చేశారు. ఈ కార్యక్రమానికి ముఖ్య అతిథిగా హీరో రానా దగ్గుబాటి హాజరయ్యారు. నిర్మాతలు దిల్‌ రాజు, కోనా వెంకట్, సురేష్ బాబు తదితరులు కూడా పాల్గొన్నారు.

హాస్య మూవీస్‌ బ్యానర్‌ పై తెరకెక్కనున్న ఈ చిత్రానికి యోగేశ్‌ దర్శకత్వం వహించనున్నారు. సినిమాకు రానా క్లాప్ నివ్వ‌గా.. నిర్మాతలు దిల్‌ రాజు, కోనా వెంకట్ కెమెరా స్విచ్ ఆన్ చేశారు.

ఈ సందర్భంగా నటి సంయుక్త మాట్లాడుతూ.. ఈ ప్రాజెక్ట్ లో భాగమవడం అదృష్టంగా భావిస్తున్నట్లు తెలిపింది. ఇప్పటి వరకు తాను తెలుగులో చేసిన అన్ని చిత్రాలు మంచి విజయాలు అందుకున్నాయని. ఇప్పుడు మరో ఇంట్రెస్టింగ్ ప్రాజెక్ట్ తో మీ ముందుకు రాబోతున్నానని.. ఈ మూవీ షూటింగ్ ఎప్పుడెప్పుడు స్టార్ట్ అవుతుందా అని వెయిట్ చేస్తున్నట్లు తెలిపింది.

Image Credits: Hasya Movies, samyuktha/ Instagram