Birth Control Pills: యవ్వనంలో గర్భనిరోధక మాత్రలు తీసుకోవడం వల్ల సంతానం కలగడం కష్టం అవుతుందా?

Birth Control Pills: ఈ రోజుల్లో చాలా మంది అమ్మాయిలు గర్భధారణను నివారించడానికి గర్భనిరోధక మాత్రలను(Birth Control Pills) ఉపయోగిస్తున్నారు. ఇది ఏ మాత్రం మంచిది కాదు. వీటిని ఉపయోగించడానికి ముందు డాక్టర్‌ను సంప్రదించడం అవసరం. వైద్యుడిని సంప్రదించి మాత్రమే మాత్రలు తీసుకోవాలి. మీకు మీరుగా జనన నియంత్రణ మాత్రలను ఉపయోగించడం చెడు పరిణామాలను కలిగిస్తుంది. సాధారణంగా గర్భనిరోధక మాత్రలను విరివిగా ఉపయోగిస్తారు. ఈ మాత్రలో ఈస్ట్రోజెన్, ప్రొజెస్టెరాన్ మొత్తాలు ఉంటాయి. గర్భనిరోధక మాత్రలను సక్రమంగా వాడితే గర్భధారణను నివారించడంలో ఈ 95-99 శాతం ప్రభావవంతంగా పనిచేస్తాయి. అయితే ఇవి డాక్టర్‌ చెప్పకుండా వాడితే ఎన్నో సమస్యలు కొని తెచ్చుకున్నట్టే!ప్రతి వ్యక్తి శరీరం భిన్నంగా ఉంటుంది. కాబట్టి ప్రతి వ్యక్తి శరీరంపై హార్మోన్ల ప్రభావాలు కూడా భిన్నంగా ఉంటాయని గుర్తు పెట్టుకోవాలి.

ప్రతీకాత్మక చిత్రం

జనన నియంత్రణ మాత్రల దుష్ప్రభావాలు:

➼ వికారం, తలనొప్పి: సాధారణంగా, 50 శాతం మంది మహిళలు వికారం అనుభవిస్తారు. ఇందుకోసం రాత్రి భోజనం తర్వాత మాత్ర వేసుకుంటే వికారం గణనీయంగా తగ్గుతుంది.

➼ క్రమరహిత రక్తస్రావం: జనన నియంత్రణ మాత్రలు శరీరంలో హార్మోన్ల మార్పులకు కారణమవుతాయి. దీనికారణంగా కొంతమంది మహిళలు క్రమరహిత రక్తస్రావం అనుభవించే అవకాశం ఉంది.

➼ బరువు పెరగడం గర్భనిరోధక మాత్రలు శరీరంలో కొద్ది మొత్తంలో నీరు పేరుకుపోవడానికి కారణమవుతాయి. దీంతో శరీరం ఉబ్బినట్లు అనిపిస్తుంది. అలాగే వక్షోజాల పరిమాణం పెరుగుతుంది. ఇవన్నీ తాత్కాలికమే. మీరు మాత్ర తీసుకోవడం ఆపివేసిన తర్వాత వాపు తగ్గుతుంది. అందువల్ల, ఈ మాత్రలు తీసుకునే ముందు స్పెషలిస్ట్ డాక్టర్‌ను సంప్రదించడం చాలా ముఖ్యం.

➼ స్వభావంలో మార్పు, చిరాకు: ఈ మాత్రలు అస్థిరతను పెంచుతాయి. ఈ మాత్రలు తీసుకోవడం వల్ల డిప్రెషన్ కు గురవుతారు. తక్కువ స్థాయిలో ప్రొజెస్టెరాన్ కలిగి ఉన్న జనన నియంత్రణ మాత్ర నిరాశ సంభవాన్ని తగ్గిస్తుంది.

➼ గర్భనిరోధక మాత్రలు లైంగిక సంక్రమణ వ్యాధుల నుంచి రక్షించవు.

➼ కొంతమంది మహిళలు లేదా బాలికలకు చర్మ సంబంధిత సమస్యలు ప్రారంభమవుతాయి. మాత్రల వేడి వల్ల ముఖంపై మొటిమలు వచ్చే అవకాశం ఉంది. కొంతమంది జుట్టు రాలడం లాంటివి కూడా వస్తాయి.

జనన నియంత్రణ మాత్రలకు దూరంగా ఉండాలి?

➼ 35 ఏళ్లు పైబడిన మహిళలు వైద్యుడిని సంప్రదించకుండా ఈ మాత్రలు తీసుకోకూడదు.

➼ ధూమపానం చేసే మహిళలు లేదా బాలికలు ఈ మాత్రలు తీసుకోవడం మానుకోవాలి.

➼ రక్తంలో గడ్డకట్టే అవకాశం ఉన్న మహిళలు ఈ మాత్రలు తీసుకోకూడదు.

➼ క్యాన్సర్ అభివృద్ధి చెందుతున్న నేపథ్యం లేదా రొమ్ము క్యాన్సర్ ఉన్న మహిళలు ఈ మాత్రలు తీసుకోవడం మానుకోవాలి.

➼ కాలేయ వ్యాధి, కణితులు, కామెర్ల వల్ల కాలేయం దెబ్బతినడం, ఆల్కహాల్ కారణంగా కాలేయంపై వాపు వంటి సమస్యలు ఉన్న మహిళలు ఈ మాత్రలు వేసుకోకూడదు.

Also Read: పాత విగ్రహం కూడా కొత్త దానితో పాటూ గర్భగుడిలోనే ఉంటుంది-క్లారిటీ ఇచ్చిన ట్రస్ట్

WATCH: