Alekhya Harika: హీరోయిన్ గా బిగ్ బాస్ ఫేమ్ అలేఖ్య హారిక

Alekhya Harika: 'దేత్తడి హారిక' గా ప్రేక్షకులకు పరిచయమైన ఈ తెలుగు అమ్మాయికి సోషల్ మీడియాలో మంచి ఫ్యాన్ ఫాలోయింగ్ ఉంది. 'దేత్తడి హారిక ' యు ట్యూబ్ ఛానెల్ లో కొత్త కొత్త కంటెంట్ తో ప్రేక్షకులను ఆకట్టుకున్న హారిక సోషల్ మీడియాలో బాగా పాపులర్ అయ్యింది. సోషల్ మీడియా  ఇన్‌ఫ్లుయెన్సర్ గా.. రియాలిటీ షో బిగ్ బాస్ సీజన్ 4లో పాల్గొంది. ఆ తర్వాత హారిక క్రేజ్ నెక్స్ట్ లెవెల్ కు చేరింది. బిగ్ బాస్ లో టాప్ 5 గా నిలిచి మరింత ఫ్యాన్ ఫాలోయింగ్ సొంతం చేసుకుంది  ఈ అమ్మడు. ఈ బిగ్ బాస్ బ్యూటీ  'అర్జున్ రెడ్డి' తమిళ్ రీమేక్ 'ఆదిత్య వర్మ' సినిమాలో నటించింది. ఆ తర్వాత 'వరుడు కావలెను' ఇలా పలు సినిమాల్లో చిన్న చిన్న పాత్రల్లో కనిపించింది హారిక.  గత కొన్ని రోజులుగా సైలెంట్ గా ఉన్న హారిక.. ప్రస్తుతం  సినిమాలో హీరోయిన్ గా ఎంట్రీ ఇవ్వడానికి రెడీ అయ్యింది.

'బేబీ' లాంటి బ్లాక్ బస్టర్ సినిమా చేసిన మేకర్స్ చేతుల మీదుగా హారిక హీరోయిన్ గా లాంచ్ అవ్వడం అందరి దృష్టిని ఆకర్షిస్తోంది. ఇక సాయి రాజేష్ దర్శకత్వంలో, SKN నిర్మాతగా వచ్చిన బేబీ చిత్రం బాక్స్ ఆఫీస్ వద్ద ఘన విజయం సాధించిన సంగతి తెలిసిందే. 'బేబీ'  మూవీతో తెలుగమ్మాయి వైష్ణవి చైతన్యను పరిచయం చేసిన మేకర్స్ ఇప్పుడు మళ్ళీ  అలేఖ్య హారికను లాంచ్ చేస్తున్నారు. ఈ సినిమాలో సంతోష్ శోభన్ హీరోగా , అలేఖ్య హారిక హీరోయిన్ గా నటించనున్నారు. తాజాగా ఈ సినిమాకు సంబంధించిన అధికారిక ప్రకటన చేయడంతో పాటు గ్రాండ్ గా పూజ కార్యక్రమాలతో ప్రాజెక్ట్ ను ప్రారంభించారు. ఈ కార్యక్రమానికి ముఖ్య అతిధిగా నాగ చైతన్య హాజరై.. క్లాప్ కొట్టి తమ బెస్ట్ విషెస్ అందజేశారు. యువ హీరో అక్కినేని సుశాంత్, దర్శకులు హరీశ్ శంకర్, వశిష్ట, మైత్రీ మూవీస్ ప్రొడ్యూసర్ వై. రవి శంకర్ తదితరులు ఈ కార్యక్రమంలో పాల్గొన్నారు.

ఈ కార్యక్రమంలో సినిమా ప్రీ లుక్ పోస్టర్ కూడా రిలీజ్ చేశారు. పోస్టర్ లో 'కొన్ని ప్రేమకథలు జీవితకాలం వెంటాడుతాయి' అనే లైన్ చూస్తుంటే.. 'బేబీ' సినిమాలానే ఇది కూడా లవ్ స్టోరీ బ్యాక్ డ్రాప్ లో ఉండబోతున్నట్లుగా అనిపిస్తోంది. ఈ సినిమా అమృత ప్రొడక్షన్స్ , మాస్ మూవీ మేకర్స్ బ్యానర్ పై తెరకెక్కనుంది. సుమన్ పాతూరి దర్శకత్వం వహించగా.. SKN, సాయి రాజేష్ సంయుక్తంగా నిర్మిస్తున్నారు. విజయ్ బుల్గేనిన్ సంగీతం అందిస్తున్నారు. ఇక ఈ సినిమాకు ముఖ్య అతిధిగా హాజరైన  హీరో నాగ చైతన్య  తన సోషల్ మీడియా వేదికగా మూవీ టీంకు  విషెస్ తెలిపారు.

Devara Movie: ఎన్టీఆర్ కు అక్కగా మంచు లక్ష్మి?