సీఎం మమతాపై పరువునష్టం కేసు దాఖలు చేసిన ఆ రాష్ట్ర గవర్నర్ !

పశ్చిమ బెంగాల్ గవర్నర్ ఆనంద బోస్‌, ఆ రాష్ట్ర ముఖ్యమంత్రి మమతా బెనర్జీ పై కోల్‌కతా హైకోర్టులో పరువు నష్టం కేసు దాఖలు చేశారు. గవర్నర్ హౌస్‌లోని మహిళా ఉద్యోగులు కార్యకలాపాలకు వెళ్లాలంటే భయపడుతున్నారని ఇటీవలె దీదీ కామెంట్లు చేశారు.దీనిపై గవర్నర్ కోర్టులో పిటీషన్ దాఖలు చేశారు. అయితే ఈ ఆరోపణలను గవర్నర్ తోసిపుచ్చారు.

చీఫ్ సెక్రటేరియట్‌లో జరిగిన ఓ సమావేశంలో మమత మాట్లాడుతూ.. ‘‘ఇటీవలి ఘటనల కారణంగా మహిళలు గవర్నర్‌ ఇంటికి వెళ్లేందుకు భయపడుతున్నారు. ఈ విషయాన్ని కొందరు తృణమూల్ కాంగ్రెస్ కార్యవర్గం సూచించారు.దీనిని ఖండిస్తూ.. ప్రజాప్రతినిధులు తప్పుడు, దూషణలను ప్రచారం చేయవద్దని ఆనంద బోస్‌ అన్నారు.ఈ కేసులో మమతా బెనర్జీ, తృణమూల్ కాంగ్రెస్ అధికారులపై ఆనంద బోస్ కోల్‌కతా హైకోర్టులో ఈ వ్యాఖ్యకు పరువు నష్టం దావా వేశారు.