Rice Export: పెరిగిన బాసుమతి బియ్యం ఎగుమతులు.. 

Rice Export: సౌదీ అరేబియా, ఇరాక్‌ వంటి దేశాల నుంచి డిమాండ్‌ ఎక్కువగా ఉండడంతో,  ప్రస్తుత ఆర్థిక సంవత్సరం తొలి మూడు త్రైమాసికాల్లో బాసుమతిబియ్యం ఎగుమతిలో డాలర్లలో 19 శాతం పెరుగుదల నమోదైంది. మొదటి మూడు త్రైమాసికాల్లో 3.97 బిలియన్ డాలర్ల విలువైన బాసుమతి బియ్యం ఎగుమతి నమోదైంది. అగ్రికల్చరల్ అండ్ ప్రాసెస్డ్ ఫుడ్ ప్రొడక్ట్స్ ఎక్స్‌పోర్ట్ డెవలప్‌మెంట్ అథారిటీ (APEDA) తాజా డేటా ప్రకారం, గత ఆర్థిక సంవత్సరం ఇదే కాలంలో $3.33 బిలియన్ల విలువైన బాసుమతిబియ్యం ఎగుమతి అయింది. 

పరిమాణం పరంగా చూస్తే, ఏప్రిల్-డిసెంబర్ (2023-24) కాలంలో బాసుమతి ఎగుమతి 11 శాతం పెరుగుదలతో 3.54 మిలియన్ టన్నులుగా నమోదైంది.  బాసుమతిబియ్యం ఎగుమతి ఏడాది క్రితం ఇదే కాలంలో 3.19 మిలియన్ టన్నులుగా ఉంది.  బాస్మతీయేతర బియ్యం ఎగుమతులు ఏడాది క్రితం 4.66 బిలియన్ డాలర్లతో పోలిస్తే 28 శాతం తగ్గి 3.34 బిలియన్ డాలర్లకు పడిపోయాయి. పరిమాణం పరంగా, ఏప్రిల్-డిసెంబర్ (2023-24) కాలంలో, బాస్మతీయేతర బియ్యం ఎగుమతి 8.34 మిలియన్ టన్నులకు తగ్గింది.  అయితే ఏడాది క్రితం ఇదే కాలంలో, ఈ సంఖ్య 13.17 మిలియన్ టన్నులుగా ఉంది.

ఎగుమతిపై పరిమితులను తగ్గించడానికి,  కొన్ని రకాల బియ్యం కోసం కొత్త HSN కోడ్‌లను అభివృద్ధి చేయడాన్ని ప్రభుత్వం పరిశీలిస్తోందని, తద్వారా దేశంలోని ప్రజలు సాంప్రదాయకంగా వినియోగించని రకాలను ఎగుమతి చేయవచ్చు. ప్రస్తుతం బాస్మతియేతర వైట్ రైస్ అన్ని రకాల ఎగుమతులపై నిషేధం ఉంది. APEDA ప్రకారం, రెడ్ రైస్, బ్లాక్ రైస్,  బ్లాక్ సాల్ట్ రైస్ వంటి GI (జియోగ్రాఫికల్ ఇండికేషన్) హోదా కలిగిన వరి రకాలకు వేర్వేరు HSN కోడ్‌లపై పని జరుగుతోంది.

Also Read: అబ్బా.. షాట్ వీడియోస్ చేయడం ఇంత ఈజీనా?

అంతర్జాతీయ వాణిజ్యం భాషలో చెప్పాలంటే..  ప్రతి ఉత్పత్తి HSN కోడ్ (హార్మోనైజ్డ్ సిస్టమ్ ఆఫ్ నోమెన్‌క్లేచర్) క్రింద వర్గీకరణ చేస్తారు.  ఇది ప్రపంచవ్యాప్తంగా ఉన్న వస్తువులను క్రమబద్ధంగా వర్గీకరించడంలో సహాయపడుతుంది. వాణిజ్య మంత్రిత్వ శాఖలో అదనపు కార్యదర్శి రాజేష్ అగర్వాల్ చెబుతున్నదాని ప్రకారం, బాస్మతియేతర బియ్యం దాదాపు 40-50 రకాలు ఉన్నాయి. ప్రభుత్వం దాని ఎగుమతిని నిషేధించినప్పుడు, సోనా మసూరి, గోవింద్ భోగ్, కలానామాక్ లేదా సాధారణ తెలుపు బాస్మతీయేతర బియ్యం వంటి అన్ని రకాల ఎగుమతులు ఆగిపోతాయి.

కొన్ని ఇతర రకాల బియ్యం కోసం కొత్త హెచ్‌ఎస్‌ఎన్ కోడ్ కోసం పరిశ్రమ డిమాండ్ చేస్తోంది అని చెప్పారు. వాటిని ఎలా వేరు చేయాలనేది అంతర్గత చర్చనీయాంశమని ఆయన అంటున్నారు. ఇలా చేయాల్సిన అవసరం ఉందా లేదా అని ఆరా తీస్తున్నామని, ఎందుకంటే ఒకవైపు దేశంగా మనం బియ్యాన్నిఎగుమతి చేయడంపై నిషేధించడం ఇష్టం లేదని, దీనిపై ఆందోళన లేదన్నారు. ప్రస్తుతం బాస్మతియేతర బియ్యం కోసం 6 HSN కోడ్‌లు, బాసుమతిబియ్యం కోసం ఒక కోడ్ ఉన్నాయి.

Watch this Interesting Video: