అసలు విషయం ఏంటంటే..సిడ్నీలో ఉండే 51ఏళ్ల టీమ్ షాడాక్..తన పెంపుడు కుక్కను తీసుకుని బోటులో మెక్సికో నుంచి ఫ్రెంచ్ పాలినిసీయూ ద్వీపానికి ఏప్రిల్లో బయలుదేరాడు. ప్రయాణం షురూ అయిన కొన్ని వారాల తర్వాత తుఫాన్ కారణంగా బోటు దెబ్బతిన్నది. దీంతో ఉత్తర పసిఫిక్ సముద్రంలో తన పెంపుడు కుక్కతోపాటు ఆయనకూడా చిక్కుకున్నాడు. చివరకు రెండు నెలల తర్వాత మెక్సికో తీరంలో వారిని గుర్తించారు. బలహీనంగా బాగా పెరిగిన గడ్డంతో కనిపించాడు టిమ్ షాడాక్.

సముద్రంలో ఉన్న వీరిని ఒక హెలికాఫ్టర్ గుర్తించింది. చేపల వేటకు ఉపయోగించే ట్యూనా అనే ఓడ సాయంతో వారిని కాపాడారు. టిమ్ షాడాక్ ను వెంటనే ఆసుపత్రికి తరలించారు. ప్రస్తుతం ఆయన ఆరోగ్య పరిస్ధితి నిలకడగా ఉందని వైద్యులు తెలిపారు. అయితే తాను రెండు నెలలు ఎంతో కష్టపడ్డానని తెలిపాడు. తినడానికి ఏం లేదని..పచ్చి చేపలనే తాను ఆహారంగా తీసుకున్నాని చెప్పాడు. తాగేందుకు నీరు లేకపోవడంతో వర్షపు నీరు తాగానని చెప్పాడు. చేపల గాలమే తనను ప్రాణాలతో కాపాడిందని షాడాక్ చెప్పాడు.