Amitabh Bachchan: ఇక ఆపండి.. ఇంకెంత ఏడిపిస్తారు..!!

అమితాబ్ బచ్చన్ ప్రస్తుతం కౌన్ బనేగా క్రోర్‌పతి 15వ సీజన్ కు హోస్ట్ గా వ్యవహరిస్తున్నారు. ఐదు దశాబ్దాలుగాపైగా బాలీవుడ్ ను ఏలుతున్న బిగ్ బీ  తన 81వ పుట్టిన రోజును జరుపుకోనున్నారు. అయితే కేబీసీ షో మేకర్స్ మాత్రం ముందుగానే అతడి బర్త్ డేను సెలబ్రేట్ చేసి అక్టోబర్ 11న టెలికాస్ట్ చేయబోతున్నారు. ఈ ఎపిసోడ్ ప్రోమోను రిలీజ్ చేయగా.. అందులో అమితాబ్ భావోద్వేగానికి గురవడం కనిపిస్తోంది.  నన్ను ఇంకెంతలా కంటతడి పెట్టిస్తారు అంటూ  ఎమోషనల్ అయ్యారు.  "ఇన్నాళ్లూ నేను అవతలి వాళ్లకు టిష్యూలు ఇచ్చేవాడిని.. ఇప్పుడు నాకే అవసరం అవుతున్నాయి"అని అమితాబ్ ఈ ప్రోమోలో అన్నాడు. ఈ ఎపిసోడ్ మొత్తం బిగ్ బీని సర్‌ప్రైజ్ చేశారు షో ఆర్గనైజర్లు.

 బిగ్ బీ బర్త్ డే కోసం కేబీసీ నిర్వాహకులు పెద్ద ఎత్తున ఏర్పాట్లు చేసినట్లు తెలుస్తోంది. ఇందులో భాగంగా పద్మ విభూషణ్ సరోద్ ప్లేయర్ ఉస్తాద్ అంజద్ అలీ ఖాన్ షో కూడా ఏర్పాటు చేశారు. అంతేకాకుండా ఈ షోకు టాలీవుడ్ మెగాస్టార్ చిరంజీవితోపాటు పలువురు ఇతర ఇండస్ట్రీల సినీ ప్రముఖులు అమితాబ్ కు బర్త్ డే విషెస్ చెప్పేందుకు వస్తున్నట్లు తెలిసింది.

Also Read: ఈడీ ముందుకు నవదీప్‌!