/rtv/media/post_attachments/wp-content/uploads/2024/05/FotoJet-2024-05-23T171500.395.jpg)
Follow Us
మీల్ మేకర్ ల‌ను సోయా గింజ‌ల నుండి నూనె తీసిన త‌రువాత మిగిలిన పిప్పిని ఉపయోగించి త‌యారు చేస్తారు. మీల్ మేకర్ తో రుచికరమైన వంటకాలను చేయవచ్చు. మీల్ మేకర్ ల‌తో మ‌సాలా కూర‌ల‌ను, మంచురియాను కూడా త‌యారు చేస్తారు. అలాగే కిచిడి, బిర్యానీ వంటి వాటిల్లో వాడతారు. ఇవి మ‌నఆరోగ్యానికి ఎంతో మేలు చేస్తాయి. 100 గ్రాముల మీల్ మేకర్ లో 52 గ్రాముల ప్రోటీన్, 13 గ్రాముల ఫైబ‌ర్, 35 గ్రాముల విట‌మిన్స్, మిన‌ర‌ల్స్ ఉంటాయి.
వీటిని ఎక్కువ‌గా మోతాదులో తీసుకోరాదు. తగిన మోతాదులో మాత్రమే తీసుకోవాలి. మీల్ మేకర్ ల‌ను ఎక్కువ మోతాదులో తీసుకుంటే శరీరంలో ఈస్ట్రోజ‌న్ స్థాయిలు పెరిగుతాయి. మగవారు సాధ్యమైన త‌క్కువ మోతాదులో తీసుకోవటం మంచిది. పురుషులు ఎక్కువ‌గా తీసుకోవ‌డం వల్ల వారిలో ఛాతి ప‌రిమాణం పెరుగుతుంది. ఎక్కువ‌గా తీసుకోవ‌డం వల్ల వాంతులు, మ‌ల‌బ‌ద్ద‌కం, అతిగా మూత్రానికి వెళ్ల‌డం వంటి స‌మ‌స్య‌లు వ‌చ్చే అవ‌కాశం ఉంది.
కోడిగుడ్లు, పాలు, మాంసంతో స‌మాన‌మైన ప్రోటీన్ మీల్ మేకర్లలో ఉంటుంది. కండ‌పుష్టి కొర‌కు వ్యాయామాలు చేసే వారు వీటిని తీసుకోవ‌డం వల్ల మంచి ఫ‌లితం ఉంటుంది. మాంసాహారం తినలేని వారికి మీల్ మేకర్ మంచి ఆహారంగా చెప్పవచ్చు. మీల్ మేకర్ ల‌ను త‌ర‌చూ తీసుకోవ‌డం వల్ల సులభంగా బరువు త‌గ్గ‌వ‌చ్చు. శరీరంలో పేరుకుపోయిన చెడు కొలెస్ట్రాల్ స్థాయిలు త‌గ్గించుకోవచ్చు. గుండె ఆరోగ్యం మెరుగవుతుంది. అలాగే శరీరంలో అవ‌య‌వాల చుట్టూ పేరుకుపోయిన కొవ్వు కూడా కరుగుతుంది.
