Google 9 Series: లాంచ్ ఈవెంట్ లో మొరాయించిన Gemini AI

Google 9 Series Launch Event: గూగుల్, చాలా కాలం ఊరించిన తరువాత, Google 9 Series స్మార్ట్‌ఫోన్‌లను ఘనంగా విడుదల చేసింది. ఈ కొత్త సిరీస్‌లో నాలుగు ప్రధాన ఫోన్లు అందుబాటులో ఉన్నాయి Google Pixel 9, Pixel 9 Pro, Pixel 9 Pro XL, Pixel 9 Pro Fold. ఈ ఫోన్లను ప్రత్యేకంగా తయారుచేసిన కొత్త ఆర్టిఫీషియల్ ఇంటెలిజెన్స్, Gemini AI, గూగుల్ యొక్క తాజా సాంకేతిక అభివృద్ధిగా కంపెనీ ప్రకటించింది.

లాంచ్ ఈవెంట్ సమయంలో, గూగుల్ Gemini AIతో ఈ కొత్త ఫోన్లను ప్రదర్శించడంపై ప్రత్యేకంగా దృష్టి సారించింది. కానీ, ఈ ప్రదర్శన కాస్త అంత అనుకున్నట్లుగా సాగలేదు. లైవ్ డెమో సమయంలో, Gemini AI రెండు సార్లు మొరాయించింది. ఇది ప్రేక్షకులు, నిపుణుల లను ఆశ్చర్యానికి గురి చేసింది, ఈ ఘటన సోషల్ మీడియాలో తెగ వైరల్ అయింది. పలు సందేహాలు, విమర్శలు నెట్టింట చర్చకు వచ్చాయి.

ఈవెంట్ చివరికి, గూగుల్ Gemini AI గురించి కొత్త కొత్త ఫీచర్లను కూడా వెల్లడించింది. ఇది కేవలం శక్తివంతమైన టూల్ మాత్రమే కాదు, అది వివిధ సాంకేతిక సదుపాయాలతో కూడా వస్తుంది. Gemini AI ఇన్స్టంట్‌గా సమాచారాన్ని అందించగలదు, వినియోగదారుల పనులను సులభంగా చేయగలదు. దీనిలో కొత్త అప్‌డేట్‌లను, అవసరమైన ఫీచర్లను ఉపయోగించడానికి అనువుగా తయారుచేసినట్లు తెలిపింది.

Also Read:Kolkata: కోలకత్తా డాక్టర్ రేప్..అర్ధరాత్రి దేశ వ్యాప్తంగా నిరసనలు 

లైవ్ ఈవెంట్‌లో జరిగిన ఈ చిన్న తప్పిదంతో కొంతమంది ప్రేక్షకుల అభిప్రాయ ప్రకారం, ఒక దురదృష్టకరమైన సంఘటన మాత్రమే అని భావించవచ్చు. వాస్తవానికి, Gemini AI నిత్యమూ పనికి వచ్చే టూల్‌గా డిజైన్ చేసారు, అలాగే అది ఫోన్‌లకు లాక్ చేసినప్పుడు కూడా ఉపయోగపడుతుంది. గూగుల్ అంచనా ప్రకారం, ఈ AI పరిష్కారాలు భవిష్యత్తులో మరింత మెరుగైన పనితీరు, సౌకర్యాలను అందిస్తాయని ఆశిస్తోంది.