Malaika Arora: మలైకా అరోరా తండ్రి ఆత్మహత్య..! కారణం ఏంటో తెలుసా?

Malaika Arora: నటి మలైకా అరోరా తండ్రి అనిల్ అరోరా ఆత్మహత్య చేసుకొని చనిపోయారు. పలు నివేదిక ప్రకారం మలైకా తండ్రి ఇంటి భవనంలోని ఏడవ అంతస్థు పై నుంచి దూకి ఆత్మహత్యకు పాల్పడినట్లు తెలుస్తోంది. అనిల్ అరోరా ఆత్మహత్య చేసుకోవడానికి గల కారణాలేంటో ఇంకా బయటకు రాలేదు. ఇందుకు సంబంధించి మలైకా ఆమె కుటుంబ సభ్యులు కూడా ఇంకా ఎటువంటి ప్రకటనలు అందించలేదు.

విడాకులు తీసుకున్న మలైకా పేరెంట్స్ 

ఇది ఇలా ఉంటే రీసెంట్ గా ఓ ఇంటర్వ్యూలో మలైకా ఆమె తల్లిదండ్రులు తనకు 11 సంవత్సరాలు ఉన్నప్పుడే విడాకులు తీసుకున్నట్లు పంచుకున్నారు. వారు విడిపోయిన తర్వాత మలైకా , ఆమె చెల్లెలు నటి అమృత అరోరా తల్లితో కలిసి ఉన్నట్లు చెప్పారు.

మలైకా ‘గుర్ నాలోన్ ఇష్క్ మితా’ సినిమాతో బాలీవుడ్ ఇండస్ట్రీకి ఎంట్రీ ఇచ్చింది. ఆ తర్వాత ఆమె నటించిన చాలా సినిమాల్లో క్యామియో రోల్ లో కనిపించింది. తెలుగులో పవన్ కళ్యాణ్ ‘గబ్బర్ సింగ్’ లో కెవ్వు కేక సాంగ్ లో మెరిసింది. హిందీలో ‘చయ్య చయ్య’, “మున్నీ బద్నామ్ హుయ్” వంటి స్పెషల్ సాంగ్ తో ఫుల్ క్రేజ్ తెచ్చుకున్నారు.