టీమ్ ఇండియాకు కొత్త చీఫ్ సెలెక్టర్‎గా అజిత్ అగార్కర్..!!

టీమిండియా కొత్త చీఫ్ సెలక్టర్‌గా వెటరన్ ఫాస్ట్ బౌలర్ అజిత్ అగార్కర్ ఎంపికయ్యారు. ఈ విషయాన్ని బీసీసీఐ మంగళవారం రాత్రి ట్వీట్ ద్వారా ప్రకటించింది. అశోక్ మల్హోత్రా నేతృత్వంలోని క్రికెట్ అడ్వైజరీ కమిటీ (సీఏసీ)తో మంగళవారం జరిగిన వర్చువల్ ఇంటర్వ్యూకు అగార్కర్ హాజరయ్యారని, సీనియర్ సెలక్షన్ కమిటీ ఛైర్మన్‌గా అతన్ని నియమించింది. అగార్కర్ చీఫ్ సెలెక్టర్‌గా బాధ్యతలు స్వీకరించిన తర్వాత, వెస్టిండీస్ పర్యటన కోసం T20 జట్టును ఎంపిక చేయడానికి అగార్కర్ సెలెక్షన్ కమిటీ సమావేశానికి అధ్యక్షత వహిస్తాడు.

సులక్షణ నాయక్, అశోక్ మల్హోత్రా, జతిన్ పరంజ్పేలతో కూడిన క్రికెట్ అడ్వైజరీ కమిటీ (సీఏసీ) చీఫ్ సెలక్టర్ పదవికి అగార్కర్‌ను ఎంపిక చేసింది. BCCI యొక్క సెలక్షన్ కమిటీలో ఇప్పుడు అజిత్ అగార్కర్ (ఛైర్మన్), శివ సుందర్ దాస్, సుబ్రొతో బెనర్జీ, సలీల్ అంకోలా, శ్రీధరన్ శరత్ ఉన్నారు. అతని క్రికెట్ కెరీర్ తర్వాత, సీనియర్ ముంబై జట్టుకు చీఫ్ సెలెక్టర్‌గా నియమితుడయ్యాడు. ఢిల్లీ క్యాపిటల్స్‌తో కోచింగ్ బాధ్యతలను కూడా చేపట్టాడు.

భారత మాజీ ఆల్ రౌండర్ అజిత్ గవాస్కర్ 110 ఫస్ట్, 270 లిస్ట్ A, 62 T20 మ్యాచ్‌లు ఆడడమే కాకుండా 26 టెస్టులు, 191 ODIలు, నాలుగు T20 ఇంటర్నేషనల్‌లలో దేశం తరపున ప్రాతినిధ్యం వహించాడు. మాజీ ఫాస్ట్ బౌలర్‌గా, అతను 2007లో దక్షిణాఫ్రికాలో జరిగిన మొదటి T20 ప్రపంచకప్‌లో భారత విజేత జట్టులో భాగంగా ఉన్నాడు. 2000లో జింబాబ్వేపై 21 బంతుల్లో స్కోర్ చేసిన ODIల్లో భారత బ్యాట్స్‌మెన్‌గా ఫాస్టెస్ట్ హాఫ్ సెంచరీ చేసిన అరుదైన రికార్డు గవాస్కర్ సొంతం. దాదాపు ఒక దశాబ్దం పాటు వేగంగా 50 ODI వికెట్లు సాధించిన రికార్డును సొంతం చేసుకున్నాడు. కేవలం 23 మ్యాచ్‌లలో ఈ ఫీట్‌ను సాధించాడు.

అజిత్ అగార్కర్ క్రికెట్ నుంచి రిటైర్మెంట్ తీసుకున్న తర్వాత చాలా ఏళ్ల నుంచి విశ్లేషకుడిగా ఉంటూ.. వ్యాఖ్యాతగా వ్యవహారిస్తున్నారు. రిటైర్మెంట్ కు ముందు 2000లో జింబాబ్వే జరిగిన మ్యాచ్లో 21 బంతుల్లో 52 పరుగులు చేసి రికార్డు క్రియేట్ చేశారు. 2004లో ఆస్ట్రేలియా భారత్ చారిత్రక విజయం సాధించడంలో అజిత్ గవాస్కర్ కీలక పాత్ర పోషించారు. ఆరు వికెట్లు తీసి భారత్ విజయానికి కారణమయ్యారు.