తెలంగాణలో ఎనిమిది మంది నాన్ క్యాడర్ ఎస్పీలు బదిలీ చేస్తూ ఉత్తర్వులు జారీ అయ్యాయి. దీనిలో హైదరాబాద్ సైబర్క్రైమ్ డీసీపీగా ధార కవిత, మల్కాజిగిరి-భువనగిరి ఎస్ఓటీ డీసీపీగా రమణారెడ్డి, ఆక్టోపస్ ఎస్పీ అడ్మిన్గా ఎం వెంకటేశ్వర్లు, మాదాపూర్ ఎస్ఓటీగా డి. శ్రీనివాస్, సైబరాబాద్ క్రైమ్ డీసీపీగా శ్రీబాల దేవి, తెలంగాణ పోలీస్ అకాడమీ డిప్యూటీ డైరెక్టర్గా సునీత మోహన్, ఇంటెలిజెన్స్ ఎస్పీగా సాయిశేఖర్, ఇంటెలిజెన్స్ అదనపు ఎస్పీగా ఎస్. వినోద్ కుమార్ను ప్రభుత్వం నియమించింది.
SP
Uttara Pradesh : యూపీలో బీజేపీకి అవమానం.. దళితులు, నిరుద్యోగులే కారణం
Uttara Pradesh : దేశంలో జనాబా పరంగా అతిపెద్ద రాష్ట్రం ఉత్తర ప్రదేశ్. ఇది బీజేపీ (BJP) కి ఒకరకంగా కంచుకోట. ఈ రాష్ట్ంలో బీజేపీకి తిరుగులేదు. కానీ ఇది మొన్నటివరకు. ఇప్పుడు కంచుకోటకు బీటలు పడ్డాయి. 2024 ఎన్నికల్లో యూపీలో బీజేపీకి ఘోర అవమానం జరిగింది. అయోధ్య (Ayodhya) లాంటి ముఖ్యమైన నియోజకవర్గాల్లో బీజేపీ ఓడిపోయింది. అంతేకాదు మెజారిటీ సమాజ్వాద్ పార్టీకి వెళ్ళిపోయింది. ఇప్పుడు అక్కడ తరువాతి ప్రభుత్వాన్ని ఎస్పీ ఏర్పాటు చేయనుంది. ఉత్తరప్రదేశ్లో బీజేపీ నుంచి అధికారం చేజారిపోవడానికి ప్రధాన కారణాలు రెండు అని తెలుస్తోంది. దళితులు, నిరుద్యోగులే బీజేపీని యూపీలో ఇంటికి సాగనంపారని చెబుతున్నారు.
ఎందుకూ పనికిరాని అయోధ్య..
అయోద్య రామాలయం… రాముని పుట్టిన ప్రదేశం… బాబ్రీ మసీదు.. కోర్టులు, కేసులు.. చివరకు మోదీ (PM Modi) హయాంలో రామాలయం ప్రారంభం. దీన్ని అత్యంత అట్టహాసంగా చేశారు ప్రధాని మోదీ. మొత్తం దేశమంతా ఊగిపోయింది. ఈ విషయాన్ని ఎన్నికల్లో ట్రంప్ కార్డుగా వాడుకుందామనుకున్నారు ఆయన. కానీ దేశంలో కాదు కదా స్వయంగా అయోద్యలోనే తుస్సుమంది. వారణాసితో పాటూ యూపీలో 13 స్థానాల్లను గెలుచుకోవడానికి సహాయపడుతుందని భావించారు. కానీ అవేమీ జరగలేదు. ప్రదాని మోదీ గెలుపును కూడా లక్ష ఓట్ మెజారిటీకి కుదించేసింది. అయోధ్యలో అయితే బీజేపీ ఏకంగా ఓడిపోయింది కూడా. దాంతో పాటూ దేశంలో బీజేపీ ప్రభుత్వ ఏర్పాటుకు కావాల్సిన బెంచ్ మార్క్ను కూడా దక్కకుండా అయింది. ప్రభుత్వం ఏర్పాటు చేయాంటే మెజారిటీ మార్క్ 272 స్థానాలు కావాల్సి ఉండగా..బీజేపీకి 240 మాత్రమే వచ్చాయి.
దళితులు, నిరుద్యోగులు…
యూపీలో బీజెపీకి అవమానం జరగడానికి… బీజేపీకి మ్యాజిక్ ఫిగర్ కాదు కదా… మెజారిటీ మార్క్ కూడా దక్కకపోవడానికి ప్రధానంగా దళితులు, నిరుద్యోగులే కారణం అని తెలుస్తోంది. దేశంలో యువత బీజేపీ, మోదీ విధానాల పట్ల అసంతృప్తిగా ఉంది. ఉద్యోగ అవకాశాలు లేకపోవడం…అసలు ఎప్పుడైనా దొరుకుతుందా అనే ఆశను కూడా లేకుండా చేయడం వారిని చాలా నిరాశ పర్చింది. మరోవైపు ఆర్మీలో రిక్రూట్మెంట్ను రద్దు చేయడం, అగ్నివీర్ పథకాన్ని ప్రవేశపెట్టడం ద్వారా Jఊడా ఆ పార్టీకి అతిపెద్ద ఎదురుదెబ్బ తగిలింది.దీని వలన యూపీలాంటి రాష్ట్రాల్లో బాగా చదువుకున్న యువత కూడా పడవ నడుపుకోవడం లాంటి పనులు చేయవలసి వస్తోంది. దేశంలో ఎక్కడ ఊసినా యువత అసంతృప్తిగానే ఉన్నారు. అలహాబాద్ యూనివర్సిటీ, బెనారస్ హిందూ యూనివర్శిటీ వంటి విద్యాసంస్థలకు పేరుగాంచిన ఉత్తరప్రదేశ్ ఇప్పుడు ఎటు వెళ్లాలో తెలియని గ్రాడ్యుయేట్లను ఉత్పత్తి చేస్తోంది.
దీంతో పాటూ దళితుల ఓట్లు కూడా ఇండియా కూటమికి (INDIA Alliance) వెళ్ళాయి. అంబేద్కర్ రచించిన రాజ్యాంగాన్ని బీజేపీ మార్చాలనుకుంటోంది అన్న బావన దళితుల్లో బలంగా నాటుకుపోయింది. ఇది వారిని ఆ పార్టీ నుంచి దూరం వెళ్ళేలా చేసింది. దాంతో బీజేపీ అగ్రవర్ణ హిందూత్వ సంస్కరణ కూడా దళితులను బాగా భయపెట్టింది. ఇది కూఆ వారిని కూటమి మీద దృష్టి పెట్టేందుకు దోహదపదింది. దీఈంతో పాటూ యూపీలో యోగి ఆదిత్యనాథ్ వల్ల బాధలు పడ్డ ముస్లిమ్లు కూడా కూటమి వైపు వెళ్ళిపోయారు. ఈ రెండు బలమైన కారణాలు యూపీలో బీజేపీకి మెజారిటీ దక్కకుండా చేశాయి.
Also Read:PM Oath Ceremony: మూడోసారి ప్రమాణానికి స్పెషల్ గెస్ట్లు..రానున్న విదేశీ నేతలు
కాపాడలేకపోయిన రామయ్య..అయోధ్యలో బీజేపీ ఓటమి
ఫైజాబాద్లో బీజేపీ అభ్యర్థి లల్లూ సింగ్ సమాజ్ వాదీ పార్టీ అభ్యర్థి అవధేష్ ప్రసాది చేతిలో 31 వేల ఓట్ల తేడాతో ఓడిపోయారు. అయోధ్య రామమందిరం ఫైజాబాద్ జిల్లాలోకే వస్తుంది. ఒకప్పుడు ఈ ప్రాంతాన్ని ఫైజాబాద్ అనే పిలిచేవారు. 2018 తర్వాతనే అయోధ్యగా పిలుస్తున్నారు. కౌంటింగ్ మొదలైన దగ్గర నుంచీ బీజేపీ అభ్యర్థి వెనుకంచలోనే ఉన్నారు. మరోవైపు అవధేష్ ఆధిక్యంలో కొనసాగారు. ఇక సమాజ్వాదీ పార్టీ అధినేత అఖిలేష్ యాదవ్ ఫైజాబాద్లో ప్రచారం నిర్వహించారు. అప్పుడే అవధేష్ గెలుస్తారని ఆయన అన్నారు.
సమాజ్ వాద్ పార్టీ ప్రస్తుతం 36 స్థానాల్లో ఆధిక్యంలో ఉంది. పార్టీ అధినేత అఖిలేష్ 84,463 ఓట్ల ఆధిక్యంలో ఉన్నారు. మరోవైపు బీజేపీ 33 స్థానాల్లో ముందంజలో ఉంది. ఉత్తరప్రదేశ్ కాంగ్రెస్ చీఫ్ అజయ్ రాయ్ పై ప్రధాని మోదీ 1, 32, 205 ఓట్ల ఆధిక్యంలో ఉన్నారు.
Uttar Pradesh : యోగిని బుల్డోజర్లతో కూల్చిన యూపీ ఓటర్లు.. దూసుకెళ్తున్న ఇండియా కూటమి!
Yogi : ఉత్తరప్రదేశ్ (Uttar Pradesh) లో బీజేపీ (BJP) కి భారీగా గండి పడింది. ఉత్తరప్రదేశ్లో ఇండియా కూటమి (INDIA Alliance) దుమ్మురేపుతోంది. యూపీ తమదే అనే ధీమాలో ఉన్న బీజేపీకి ఎస్పీ ఊహించని షాక్ ఇచ్చింది. అఖిలేశ్ యాదవ్ నేతృత్వంలోని సమాజ్వాదీ పార్టీ స్పష్టమైన మెజార్టీతో దూసుకెళ్తోంది. మొత్తం 80 స్థానాల్లో ఇండియా కూటమికి చెందిన అఖిలేష్ యాదవ్ సమాజ్ వాదీ పార్టీ 62 సీట్లలోనూ, కాంగ్రెస్ 17 సీట్లలోనూ పోటీ చేస్తున్నాయి. ప్రస్తుతానికి యూపీలో ఇండియా కూటమి 44 స్థానాల్లో లీడింగ్ లో ఉండగా, ఎన్డీయే 35 స్థానాల్లో కొనసాగుతోంది.
అయితే 2019 ఎన్నికల్లో ఎన్డీయే ఏకంగా 62 స్థానాలు కైవసం చేసుకుంది. అయితే ప్రస్తుత ఎన్నికల్లో (Elections) మాత్రం యూపీలో రెండు కూటములు హోరాహోరీగా తలపడుతున్నాయి. ప్రధాని మోడీ (PM Modi) వారణాసి నుంచి ఆయన లోక్సభకు పోటీ చేస్తున్న విషయం తెలిసిందే. కాగా కాంగ్రెస్ (Congress) అభ్యర్థి అజయ్ రాయ్ .. ముందంజలో ఉన్నారు. 11480 ఓట్ల తేడాతో అజయ్ రాయ్ లీడింగ్లో ఉన్నారు. మోడీ రెండో స్థానంలో కొనసాగుతున్నారు. ఎన్నికల సంఘం వెబ్సైట్ ప్రకారం ఆయనకు 5257 ఓట్లు పోలయ్యాయి. దీంతో రాష్ట్రవ్యాప్తంగా బుల్డోజర్లతో సంచలనం సృష్టించిన యోగిని ఇప్పడు ఒటర్లు అదే బుల్డోజర్లతో కూల్చేశారంటూ కామెంట్స్ వినిపిస్తున్నాయి. ఇదిలా ఉంటే.. దేశవ్యాప్తంగా ఎన్డీఏ కూటమి 290 స్థానాల్లో లీడింగ్లో ఉండగా.. ఇండియా కూటమి 212 స్థానాల్లో దూసుకెళ్తుంది.
Also Read : చంద్రబాబు ఇంటికి పవన్ కళ్యాణ్
Kadapa : కౌంటింగ్ రోజు తోక జాడిస్తే.. తొక్క తీస్తా- కడప ఎస్పీ సిద్దార్థ్ కౌశల్
AP : ఏపీలో సార్వత్రిక ఎన్నికలు (General Elections) మే 13న జరిగిన విషయం అందరికీ తెలిసిందే. ఎన్నికల సమయంలో, ఎన్నికలు ముగిసిన తరువాత పలు చోట్లు అల్లర్లు, ఘర్షణలు జరిగిన విషయం తెలిసిందే. ఈ క్రమంలోనే కడప ఎస్పీ సిద్దార్థ్ కౌశల్ అల్లరి మూకలు, రౌడీ రాజకీయ నాయకులకు స్ట్రాంగ్ వార్నింగ్ ఇచ్చారు.
కౌంటింగ్ రోజున ఎవరైనా అనుచిత చర్యలకు పాల్పడినా, అల్లర్లు, ఘర్షణలు సృష్టించిన తోక జాడించాలని చూసినా.. తోలు తీస్తామని ఆయన స్టైల్లో మాస్ వార్నింగ్ ఇచ్చారు. రాజకీయ నేతల విమర్శలు పట్టించుకోమని పేర్కొన్నారు. సీఐని బెదిరించిన వారి భరతం పడతామని ఆయన గట్టిగా తేల్చి చెప్పారు.
కౌంటింగ్ డే (Counting Day) నాడు నియోజకవర్గాల్లో, మండల కేంద్రాల్లో భారీగా బలగాలను మోహరించనున్నట్లు ఎస్పీ తెలిపారు. ఇప్పటికే పోలింగ్ (Polling) రోజు అల్లర్లు సృష్టించిన నిందితులను అరెస్ట్ చేస్తున్నట్లు ఎస్పీ వివరించారు. కౌంటింగ్ రోజు కూడా అల్లర్లకు పాల్పడితే వారి మీద నాన్ బెయిల్బుల్ కేసులు నమోదు చేసి అరెస్ట్ చేస్తామని తెలిపారు. అలాగే నియోజకవర్గం లో కౌంటింగ్ ముగిసిన తరువాత ఎటువంటి ర్యాలీలకు అనుమతి లేదని ఎస్పీ కౌశల్ వివరించారు.
Also read: తెలంగాణ జూనియర్ డాక్టర్స్ సమ్మె వాయిదా…సానుకూలంగా స్పందించిన అధికారులు!
Up Assembly: ముస్లింల పూర్వీకులు కూడా సనాతన ధర్మం పాటించిన వారే: యూపీ సీఎం యోగి!
Up Cm : యూపీ అసెంబ్లీ (Up Assembly) లో గవర్నర్ ప్రసంగంపై జరిగిన చర్చ పై ముఖ్యమంత్రి యోగి ఆదిత్యనాథ్ బుధవారం స్పందించారు. సీఎం యోగి తన ప్రసంగంలో, అభివృద్ధి చెందిన భారతదేశం నా నిబద్ధత అని అన్నారు. ఈ సమయంలో, అతను సమాజ్ వాదీ పార్టీ నాయకుడు, యూపీ మాజీ సీఎం అఖిలేష్ యాదవ్ను లక్ష్యంగా చేసుకుని మాటల తూటలు పేల్చారు.
కావాలనే అఖిలేష్ యాదవ్ తన ప్రసంగం నుంచి దృష్టిని మళ్లిస్తున్నాడని, అతను చెప్పే మాటల్లో ఒకటి కూడా నిజం లేవని యోగి అన్నారు. అయోధ్య రామ మందిరం విషయంలో కూడా ఇలాగే విపక్షాలను టార్గెట్ చేసి ఆయన మాట్లాడారు. రామ మందిర నిర్మాణం పట్ల యావత్ దేశమంతా సంతోషంగా ఉన్నారని యోగి అన్నారు.
ఎస్పీ-బీఎస్పీ గుర్తింపు సంక్షోభం…
2017కు ముందు ఉత్తరప్రదేశ్ను పాలించిన వారు.. ఉత్తరప్రదేశ్ను ఎక్కడికి తీసుకెళ్లారు.. ఉత్తరప్రదేశ్ ప్రజలకు గుర్తింపు సంక్షోభం సృష్టించారు. ఇక్కడి యువత తమ గుర్తింపును దాచిపెట్టారు. ఈ రాష్ట్ర యువకుడు ఎక్కడికి వెళ్లినా.. ఉద్యోగం పొందలేకపోయాడు. కనీసం హోటళ్లు, ధర్మశాలల్లో కూడా గదులు పొందలేకపోయారు అంటూ ఆగ్రహం వ్యక్తం చేశారు.
‘నేను అయోధ్య-కాశీకి వెళ్లాను, నోయిడా, బిజ్నోర్లకు కూడా వెళ్లాను’
రామ మందిర నిర్మాణం పట్ల ప్రతి సనాతనీ సంతోషిస్తున్నారని, ముస్లింల పూర్వీకులు కూడా సనాతనిలే. అయితే శతాబ్దపు అతి పెద్ద ఘటనపై ప్రతిపక్షాలు ఏమీ మాట్లాడకుండా అక్కడక్కడ తిరుగుతూనే ఉన్నాయి. రామమందిరాన్ని ముందుగా నిర్మించి ఉండాల్సిందని చాలా మంది ముస్లింలు అన్నారు. “ఈ రోజు ప్రతి భారతీయుడు కొత్త, దివ్య, గొప్ప అయోధ్యను చూసి పొంగిపోతున్నాడు. ఈ పని చాలా కాలం క్రితమే జరిగి ఉండాలి. అయోధ్య ప్రజలకు విద్యుత్తు ఏర్పాటు చేసి ఉండవచ్చు, అక్కడ మెరుగైన ఆరోగ్య సౌకర్యాలు కల్పించవచ్చు. ఈ అభివృద్ధి పనులు ఏ ఉద్దేశంతో ఆగిపోయాయి? నేను అయోధ్య, కాశీకి కి మాత్రమే వెళ్లాను అనుకుంటే, నేను నోయిడా, బిజ్నోర్లకు కూడా వెళ్లాను.” మా విశ్వాసం , విధానం , ఉద్దేశాలు కూడా స్పష్టంగా ఉన్నాయని యోగి అన్నారు.
యోగి ప్రభుత్వంపై అఖిలేష్
అంతకుముందు యూపీ అసెంబ్లీ బడ్జెట్ సెషన్ సందర్భంగా అఖిలేష్ యాదవ్ బీజేపీ, యోగి ప్రభుత్వంపై తీవ్ర స్థాయిలో విరుచుకుపడిన సంగతి తెలిసిందే. రైతులకు బీజేపీ ద్రోహం చేసిందని అఖిలేష్ అన్నారు. రాష్ట్రంలో ప్రభుత్వం ఏదైనా కొత్త మార్కెట్ను ఏర్పాటు చేసిందా? మూడు నల్ల చట్టాలకు వ్యతిరేకంగా రైతులు మాట్లాడినప్పుడు సుమారు 1000 మంది రైతులు ప్రాణాలు కోల్పోయిన మొదటి ప్రభుత్వం ఇదే. రైతుల ఆదాయాన్ని రెట్టింపు చేయడానికి ఆయన ఫార్ములా ఏమిటి? అంటూ బీజేపీ పై విరుచుకుపడ్డారు.
Also read: ఆర్బీఐ పుణ్యమా అంటూ ఈ యాప్ లకు భారీగా పెరిగిన డిమాండ్!