అమెరికా అధ్యక్ష రేసు నుంచి జో బైడెన్ వైదొలిగిన సంగతి తెలిసిందే. ఆయన తీసుకున్న నిర్ణయాన్ని సొంత పార్టీ నేతలు స్వాగతిస్తున్నారు. పార్టీ ప్రయోజనాల కోసం నిస్వార్థంగా వ్యవహరించారంటూ ఆయన్ని ప్రశంసిస్తున్నారు. మాజీ అధ్యక్షుడు ఒబామా కూడా బైడన్ నిర్ణయాన్ని కొనియాడారు. బైడెన్ తీసుకున్న నిర్ణయం దేశంపై ఆయనకున్న ప్రేమను చాటుతోందని వ్యాఖ్యానించారు. రెండోసారి ఎన్నికల్లో బైడెన్కు పోటీ చేసే అర్హత ఉన్నప్పటికీ ఇలాంటి నిర్ణయం తీసుకున్నారంటే ఆయన గొప్ప దేశభక్తుడని కొనియాడారు. బైడన్ అంతర్జాతీయ వేదికపై అమెరికా ఔన్నత్యాన్ని ఇనుమడింపజేశారని.. నాటోను పురుజ్జీవింపజేశారని తెలిపారు. అలాగే ఉక్రెయిన్పై రష్యా చేస్తున్న యుద్ధానికి వ్యతిరేకంగా ప్రపంచ దేశాలను ఏకం చేశారని అన్నారు. రాబోయే రోజుల్లో ఊహించని పరిణామాలు ఎదురవుతాయన్న ఒబామా.. డెమోక్రటిక్ పార్టీ నేతలను అప్రమత్తం చేశారు.
పూర్తిగా చదవండి..USA Elections: బైడెన్ కన్నా హారిస్ను ఓడించడం చాలా తేలిక: ట్రంప్
అధ్యక్ష రేసు నుంచి వైదొలగిన జో బైడెన్.. అధ్యక్ష అభ్యర్థిగా కమలా హారిస్కు మద్దతిచ్చారు. అయితే మాజీ అధ్యక్షుడు ఒబామా మాత్రం ఇంతవరకు హారిస్కు మద్దతివ్వలేదు. మరోవైపు ట్రంప్ కూడా.. బైడెన్ కంటే కమలా హరీస్ను ఓడించడం చాలా తేలికని ఓ వార్త సంస్థతో అన్నారు.
Translate this News: