స్కిల్ డవలప్మెంట్ కేసులో (Skill Development Corporation scam) అరెస్ట్ అయిన ఏపీ మాజీ సీఎం చంద్రబాబు నాయుడును (AP Ex CM Chandrababu Naidu) రెండు రోజుల సీఐడీ కస్టడీ విచారణకు కోర్టు అనుమతి ఇచ్చిన విషయం తెలిసిందే. నిన్న ఉదయం 10 గంటల నుంచి సాయంత్రం 5 గంటల వరకు చంద్రబాబుని సీఐడీ అధికారులు విచారించారు. పలు ఫైళ్లను ఆయన ముందు ఉంచి ప్రశ్నల వర్షం కురిపించారు. నేడు చంద్రబాబు రెండో రోజు ప్రారంభమైంది. నిన్న పలు ప్రశ్నలకు చంద్రబాబు చెప్పిన సమాధానాల ఆధారంగా నేడు చంద్రబాబును ప్రశ్నించడానికి సీఐడీ అధికారులు సిద్ధమయ్యారు. స్కిల్ డవలప్మెంట్ కార్పొరేషన్ ఏర్పాటులో ఎలాంటి అవినీతి జరగలేదని తొలి రోజు జరిగిన విచారణలో చంద్రబాబు సీఐడీ అధికారులకు స్పష్టం చేసినట్లు తెలుస్తోంది. ఘంటా సుబ్బారావు, కే.లక్ష్మీనారాయణకు సంస్థలో కీలక బాధ్యతలు అప్పగించడంపై సైతం సీఐడీ ప్రశ్నించినట్లు తెలుస్తోంది. ఘంటా సుబ్బారావు ప్రపంచంలోనే గుర్తింపు పొందిన సాఫ్ట్ వేరు నిపుణుడైన కారణంగా ఆయనను నియమించే అవకాశంపై పరిశీలించాలని అధికారులకు సూచించామని చంద్రబాబు చెప్పినట్లు తెలుస్తోంది. అనంతరం ఆయన నియామకం నిబంధనల ప్రకారమే జరిగిందని చంద్రబాబు వివరిచినట్లు సమాచారం.
Chandrababu CID Interrogation Day-2: చంద్రబాబు రెండో రోజు సీఐడీ విచారణ ప్రారంభం.. ఈరోజు అడిగే ప్రశ్నలివే?
నేడు చంద్రబాబు సీఐడీ విచారణ రెండో రోజు కొనసాగనుంది. నిన్న పలు ప్రశ్నలకు చంద్రబాబు చెప్పిన సమాధానాల ఆధారంగా నేడు ఆయనను ప్రశ్నించడానికి సీఐడీ అధికారులు సిద్ధమయ్యారు. మరికొన్ని కొత్త అంశాలకు సంబంధించి సైతం ప్రశ్నలను సీఐడీ సిద్ధం చేసుకున్నట్లు సమాచారం.
Translate this News: