Telangana elections 2023: ప్రభుత్వంపై నిరుద్యోగుల అసంతృప్తిని ఓట్లుగా మలచుకోవడంపై కాంగ్రెస్ పార్టీ ప్రధానంగా దృష్టిపెట్టింది. టీఎస్పీఎస్సీ పేపర్ల లీకేజీ; గ్రూప్-1, గ్రూప్-2 సహా కమిషన్ నిర్వహించిన అనేక పరీక్షల్లో అవకతవకలు, వరుస వాయిదాల నేపథ్యంలో రాష్ట్రంలో నిరుద్యోగులు తీవ్ర అసంతృప్తితో ఉన్నారు. మరోవైపు డీఎస్సీలోనూ తక్కువ ఉద్యోగాలుండడం లక్షలాది మంది అభ్యర్థులను నిరాశపరిచింది. ఈ అంశాలను తమ మేనిఫెస్టోలో చేర్చాలంటూ నిరుద్యోగులు, విద్యార్థుల నుంచి పెద్ద సంఖ్యలో కాంగ్రెస్ రాష్ట్ర నాయకత్వానికి వినతులు వచ్చాయి. వాటిని పరిగణనలోకి తీసుకన్న అధిష్టానం శుక్రవారం విడుదల చేసిన మేనిఫెస్టోలో నిరుద్యోగుల అంశానికి పెద్దపీట వేసింది. తమ ప్రభుత్వం అధికారంలోకి వస్తే ఏ తేదీ రోజు ఏ ప్రభుత్వ ఉద్యోగ నోటిఫికేషన్ విడుదల చేస్తామో చెప్పి నిరుద్యోగులకు ఆకట్టుకునే ప్రయత్నం చేసింది హస్తం పార్టీ.
ఇది కూడా చదవండి: Congress Manifesto: రైతులకు 2 లక్షలు.. అమ్మాయి పెళ్లికి లక్ష, తులం బంగారం.. కాంగ్రెస్ సంచలన మేనిఫెస్టో
Congress Job Calendar: ఫిబ్రవరి 1న గ్రూప్-1, ఏప్రిల్ లో గ్రూప్-2.. కాంగ్రెస్ సంచలన జాబ్ క్యాలెండర్!
కాంగ్రెస్ పార్టీ ఈ రోజు విడుదల చేసిన ఎన్నికల మేనిఫెస్టోలో భారీగా ప్రభుత్వ ఉద్యోగాలను భర్తీ చేస్తామని చెప్పడంతో పాటు.. గ్రూప్-1, 2, 3, 4 తో పాటు ఏ ఉద్యోగ నోటిఫికేషన్ ను ఎప్పుడు విడుదల చేస్తామో కూడా చెప్పి నిరుద్యోగులకు ఆకట్టుకునే ప్రయత్నం చేసింది.
Translate this News: