The liveblog has ended.
No liveblog updates yet.
2024 Budget Expectations
Budget 2024 : బడ్జెట్ లో ఉపయోగించే ఈ పదాల అర్ధం తెలుసుకోండి
Budget Terminology : కేంద్ర ఆర్థిక మంత్రి నిర్మలా సీతారామన్(Nirmala Sitharaman).. ఫిబ్రవరి 1న 2024 బడ్జెట్ని ప్రవేశపెట్టనున్నారు. సార్వత్రిక ఎన్నికల నేపథ్యంలో.. ఈసారి మధ్యంతర బడ్జెట్(Interim Budget) పార్లమెంట్ ముందుకు రాబోతోంది. దీనిపై సర్వత్రా ఆసక్తి నెలకొంది. అయితే, బడ్జెట్ ప్రవేశపెట్టే సమయంలో ఆర్ధిక మంత్రి చేసే ప్రసంగంలో అనేక ముఖ్యమైన పదాలు ఉంటాయి. వీటిలో చాలా మందికి అర్ధం కావు. ఈ బడ్జెట్ ‘టర్మినాలజీ’ అర్ధం చేసుకోవడం అవసరమే. ఎందుకంటే ఈ టెర్మినాలజీ తెలిస్తేనే బడ్జెట్ లోని అంశాల గురించి సులువుగా అర్ధం చేసుకోగలుగుతాం. నిర్మలా సీతారామన్ ప్రసంగానికి ముందు.. మనం తెలుసుకోవాల్సిన 10 బడ్జెట్ టర్మ్స్ ఇవే..
బడ్జెట్ టర్మినాలజీ- వాటి అర్థాలు..
పన్ను మినహాయింపు: ఈ పదం(Budget Terminology) సూచించినట్లుగా, మీరు చెల్లించాల్సిన ట్యాక్స్ మొత్తాన్ని తగ్గించడానికి పన్ను పరిధిలోకి వచ్చే ఆదాయం నుంచి మినహాయించాల్సిన మొత్తమే పన్ను మినహాయింపు. ఉదాహరణకు పన్ను చెల్లింపుదారులు రూ.50,000 స్టాండర్డ్ డిడక్షన్ క్లెయిమ్ చేసుకోవచ్చు. మొత్తం ఆదాయంలో 50 వేల రూపాయల వరకూ పన్ను చెల్లించనవసరం ఉండదు. దీనికి లెక్కలు చెప్పాల్సిన అవసరం ఉండదు. అదే విధంగా పీపీఎఫ్, ఎన్ఎస్సీ, ట్యాక్స్ సేవింగ్ ఎఫ్డీలో ఇన్వెస్ట్ చేసినప్పుడు గరిష్టంగా రూ.1,50,000 వరకు పన్ను మినహాయింపు (సెక్షన్ 80సీ కింద) పొందవచ్చు.
రిబేట్: టోటల్ ఇన్కమ్ ట్యాక్స్(Income Tax) లో తగ్గింపును రిబేట్ అంటారు. పన్ను పరిధిలోకి వచ్చే ఆదాయాన్ని తగ్గించడానికి మినహాయింపు అనుమతించినట్లే, రిబేట్తో.. పన్ను చెల్లింపుదారులు తమ పన్ను భాగాన్ని రిబేటు మొత్తంతో తగ్గించడానికి వీలు కల్పిస్తుంది. ఇది సాధారణంగా పన్ను చెల్లింపుదారుల పన్ను భారాన్ని తగ్గించడం ద్వారా ఆర్థిక కార్యకలాపాలను ఉత్తేజపరచడానికి ప్రోత్సహిస్తారు.
టాక్స్ పై సర్ ఛార్జ్ : రూ.50 లక్షల కంటే ఎక్కువ ఆదాయం ఉన్నవారికి సర్ ఛార్జ్ వర్తిస్తుంది. ఇది చెల్లించాల్సిన పన్నుకు వర్తిస్తుంది తప్ప మొత్తం ఆదాయానికి వర్తించదు. 30 శాతం పన్ను రేటుపై 10 శాతం సర్ ఛార్జ్ విధిస్తారు. తద్వారా మొత్తం కట్టాల్సిన పన్ను 33 శాతానికి పెరుగుతుంది.
టాక్స్ పై సెస్: ఇది ఆరోగ్యం- విద్య(Health-Study) వంటి నిర్దిష్ట ప్రయోజనాల కోసం నిధులను సేకరించడానికి ఆదాయపు పన్నుపై విధించే పన్ను(Budget Terminology). ప్రస్తుతం సెస్ రేటు 4 శాతంగా ఉంది. ఇది.. అన్ని ఆదాయ శ్లాబులకు వర్తిస్తుంది. సర్ ఛార్జ్ తో సహా ట్యాక్స్ లయెబులిటీపై సెస్ వసూలు చేస్తారు. ప్రభుత్వం తన లక్ష్యాలను చేరుకోవడానికి తగినంత డబ్బును కూడబెట్టిన తరువాత మాత్రమే దీనిని ఆపుతారు.
కొత్త పన్ను విధానం: ఇది ఏడు పన్ను శ్లాబులతో కూడిన తాజా పన్ను విధానం. 2022లో దీనిని ప్రవేశపెట్టారు. రూ.15 లక్షలకు పైబడిన ఆదాయంపై గరిష్టంగా 30 శాతం పన్ను రేటు వర్తిస్తుంది. కానీ దీని వలన చాలా పన్ను మినహాయింపులు లేకుండా పోయాయి. 2023-24 ఆర్థిక సంవత్సరంలో కొత్త పన్ను విధానం డిఫాల్ట్ ట్యాక్స్ విధానంగా మారింది.
Also Read : తగ్గినట్లే తగ్గి పెరిగిన బంగారం.. తగ్గేదేలే అంటున్న వెండి!
పాత పన్ను విధానం: ఇందులో నాలుగు పన్ను శ్లాబులు(Budget Terminology) ఉంటాయి. మునుపటి పన్ను విధానం, రూ .10 లక్షలకు పైగా ఆదాయంపై అత్యధికంగా 30 శాతం పన్ను రేటు వర్తిస్తుంది. కొత్త పన్ను విధానంలో దశలవారీగా తొలగించిన అన్ని పన్ను మినహాయింపులను ఈ విధానంలో అందిస్తారు.
టీడీఎస్: ఇన్కమ్ సోర్స్ వద్ద పన్ను సేకరించేదే ఈ టీడీఎస్.
ట్యాక్స్ సేవింగ్ సాధనాలు: పన్ను చెల్లింపుదారులు తమ ఆదాయపు పన్నులో మినహాయింపును క్లెయిమ్ చేసుకోవడానికి అర్హత కల్పించే పొదుపు సాధనాలు పీపీఎఫ్, ఎన్ఎస్సీ, ఎన్పీఎస్. కొత్త పన్ను విధానంలో ఈ మినహాయింపులు అనేకం ఇకపై అనుమతించడం లేదని గుర్తుపెట్టుకోవాలి.
టీసీఎస్: ఇది కూడా ఇన్కమ్ సోర్స్ వద్ద విధించే ట్యాక్స్. అమ్మకం సమయంలో కొనుగోలుదారు నుంచి అమ్మకందారుడు పన్ను రూపంలో సేకరించిన అదనపు మొత్తాన్ని అధికారుల వద్ద డిపాజిట్ చేస్తారు. ఉదాహరణకు ఒక ఆర్థిక సంవత్సరంలో రూ.7 లక్షలకు మించి జమ చేయాలనుకునే వారు కొన్ని సందర్భాల్లో తప్ప 20 శాతం టీసీఎస్ చెల్లించాల్సి ఉంటుంది.
వీడీఏ: 2022లో ప్రవేశపెట్టిన పన్ను ఫ్రేమ్వర్క్ పరిధిలోకి వచ్చే డిజిటల్ ఆస్తులు ఇవి. అమ్మకం, కొనుగోళ్లపై ఒక శాతం టీడీఎస్, మూలధన లాభాలపై 30 శాతం వంటివి ఇందులో ఉంటాయి. వీడీఏల్లో బిట్ కాయిన్, ఎథేరియం, డోజ్కాయిన్ తదితర డిజిటల్ కరెన్సీలు ఉన్నాయి.
Watch this interesting Video:
Union Budget 2024 : బడ్జెట్లో ఆదాయపు పన్ను మినహాయింపు ఉంటుందా?
Care Rating Survey : కాసేపట్లో కేంద్రం మధ్యంతర బడ్జెట్(Budget) ను ప్రవేశపెట్టనున్న విషయం తెలిసిందే. ఈసారి మధ్యంతర బడ్జెటైనా ఉద్యోగులు మాత్రం ఈ బడ్జెట్ కోసం ఎంతో ఆసక్తిగా ఎదురుచూస్తున్నారు. జనరల్ ఎలక్షన్స్(General Elections) కు కొద్దీ నెలలే సమయం ఉండడంతో కేంద్రం తీపి కబురు అందిస్తుందానన్న ఆశ ఉద్యోగుల్లో(Employees) కనిపిస్తోంది. ఇదే సమయంలో ఓ ఆసక్తికర సర్వే బయటకు వచ్చింది. మధ్యంతర బడ్జెట్కు సంబంధించి నిర్వహించిన కేర్ రేటింగ్ సర్వే 120 మంది ప్రముఖుల నుంచి అభిప్రాయాన్ని కోరింది.
ఉండకపోవచ్చు:
ఆదాయపు పన్ను(Tax) మినహాయింపుపై ప్రజలకు చాలా తక్కువ ఆశలు ఉన్నాయని ఈ సర్వే చూస్తే అర్థమవుతోంది. పన్ను మినహాయింపు ఇవ్వబోరని 63 శాతం మంది అభిప్రాయపడగా, మినహాయింపు ఇవ్వొచ్చని 37 శాతం మంది అభిప్రాయపడ్డారు. బడ్జెట్ ఎదుర్కొంటున్న సవాళ్లలో మొదటి స్థానంలో ప్రపంచ భౌగోళిక రాజకీయ బెదిరింపులు ఉన్నాయి. 55 శాతం మంది ప్రజలు దీనిని పెద్ద ముప్పుగా భావిస్తున్నారు. 25 శాతం మంది ఉద్యోగాల్లో వృద్ధిని ముప్పుగా పరిగణిస్తున్నారు. సర్వేలో 8 శాతం మంది గ్రామీణ ప్రాంతాల సవాళ్లను ముప్పుగా పరిగణిస్తున్నారు. వ్యాపారవేత్తల డిమాండ్ల గురించి 57 శాతం మంది ప్రజలు మాట్లాడారు. ఉపాధిని పెంచే చర్యలపై ప్రభుత్వం దృష్టి పెట్టాలని కోరారు. 46 శాతం మంది ప్రభుత్వం సామర్థ్య విస్తరణ లక్ష్యంగా పెట్టుకోవాలని అభిప్రాయపడ్డారు.
వ్యాపారానికి సహాయపడే చర్యలపై ప్రభుత్వం(Government) దృష్టి పెట్టాలని 43 శాతం మంది ప్రజలు కోరుతున్నారు. 28 శాతం వ్యాపారులు ఎగుమతులకు మద్దతు ఇవ్వాలని డిమాండ్ చేస్తున్నారు. బడ్జెట్పై 86 శాతం మంది సానుకూలంగా స్పందించారు. సామర్థ్య విస్తరణకు సంబంధించి, 30 శాతం మంది ప్రజలు గత ఆర్థిక సంవత్సరం కంటే ఎక్కువగా ఉండవచ్చని అభిప్రాయపడ్డారు. గతేడాది రూ.10 లక్షల కోట్లతో పోలిస్తే ఈ ఏడాది రూ.13 లక్షల కోట్లకు పైగానే రావచ్చని వ్యాపారులు భావిస్తున్నారు.
Also Read: జాతీయ బాలికా దినోత్సవం .. జనవరి 24నే ఎందుకు?
WATCH:
Interim Budget : మధ్యంతర బడ్జెట్లో ప్రజలను ఆకర్షించే పథకాలు..!
Union Budget 2024 What to Expect : ఆర్థిక మంత్రి(Finance Minister) నిర్మలా సీతారామన్(Nirmala Sitharaman) కాసేపట్లో మధ్యంతర బడ్జెట్(Interim Budget) ను ప్రవేశపెట్టనున్నారు. ఉదయం 11 గంటలకు పార్లమెంట్లో బడ్జెట్ను ప్రవేశపెట్టనున్నారు. నిర్మలా సీతారామన్కు ఈ బడ్జెట్ చాలా రకాలుగా ప్రత్యేకం. ఒకటి, ఆమె తన తొలి మధ్యంతర బడ్జెట్ను సమర్పించనున్నారు. ఇప్పటి వరకు ఆమె పూర్తి బడ్జెట్ను మాత్రమే సమర్పిస్తూ వచ్చారు. 10 ఏళ్ల నరేంద్ర మోదీ(Narendra Modi) ప్రభుత్వ హయాంలో ఇది రెండో మధ్యంతర బడ్జెట్. నిర్మలా సీతారామన్ ఆరోసారి బడ్జెట్ను ప్రవేశపెట్టనున్నారు.
ఎలాంటి నిర్ణయాలు ఉంటాయి?
ఎన్నికల ముందు బడ్జెట్లో ప్రజాకర్షక నిర్ణయాలు ఉంటాయని తెలుస్తోంది. మధ్యంతర బడ్జెట్లోనూ ప్రజలను ఆకర్షించే పథకాలను పెట్టాలని కేంద్రం నిర్ణయించుకున్నట్టుగా సమాచారం. ప్రధానమంత్రి కిసాన్ సాయం(PM Kisan Scheme) పెంచనుందని ప్రచారం జరుగుతోంది. యువతను ఆకట్టుకునేందుకు స్టార్టప్ రంగానికి పన్ను మినహాయింపులు ప్రకటించే ఛాన్స్ ఉంది. ఇంధన ధరలపై పన్నులను తగ్గిస్తారంటూ ప్రచారం జరుగుతోంది. డిజిటల్ రంగాన్ని ప్రోత్సహించేందుకు చర్యలు ఉంటాయని టాక్. అటు ఎలక్ట్రిక్ వాహనాలపై రాయితీ గడువు పెంచే అవకాశాలున్నాయి. ఇంధన ధరలను తగ్గిస్తే నిత్యావసర వస్తువల ధరలు కూడా స్వల్పంగా తగ్గే ఛాన్స్ కనిపిస్తోంది. మౌలిక వసతుల కల్పనకు బడ్జెట్లో ప్రధాన్యత ఇవ్వనుంది కేంద్రం. గృహ రుణాలపై వడ్డీరేట్లను తగ్గించే ఛాన్స్ ఉంది. ఆయూష్మాన్ భారత్ పరిమితి రూ.7 లక్షలకు పెంచే అవకాశం ఉంది. బంగారు ఆభరణాల ధరలు స్వల్పంగా తగ్గనున్నాయని తెలుస్తోంది.
2019 లాంటి సర్ ప్రైజ్ ఉంటుందా?
లోక్సభ ఎన్నికలకు(Lok Sabha Elections) ముందు మధ్యంతర బడ్జెట్లో అధికారంలో ఉన్న పార్టీకి ఉచితాలు, ప్రజాకర్షక పథకాల ద్వారా ఓటర్లను ఆకర్షించే పెద్ద అవకాశం ఉందని నిపుణులు భావిస్తున్నారు. 2019లో సార్వత్రిక ఎన్నికలకు ముందు ప్రవేశపెట్టిన మధ్యంతర బడ్జెట్లోనూ ఇలాంటిదే కనిపించింది. 2019 మధ్యంతర బడ్జెట్లో, మధ్యతరగతి, రైతులు, అసంఘటిత రంగంలోని కార్మికుల కోసం ప్రభుత్వం ఆకర్షణీయమైన ప్రకటనలు చేసింది. 2019 బడ్జెట్లో పీయూష్ గోయల్ ఆర్థిక మంత్రిగా ఉన్నారు. మధ్యతరగతి వర్గాలపై దృష్టి సారించిన ఆయన రూ.5 లక్షల వరకు ఆదాయపు పన్నును మినహాయించారు. రైతులకు ప్రధానమంత్రి కిసాన్ సమ్మాన్ నిధిని ప్రకటించారు. దేశంలోని 12 కోట్ల మంది రైతులకు ప్రతి సంవత్సరం మూడు విడతలుగా రూ.6000 నగదు సాయం అందజేస్తామని ప్రకటించారు. అసంఘటిత రంగం కోసం ప్రధాన మంత్రి శ్రమ యోగి మంధన్ యోజన ప్రారంభించారు. 50 కోట్ల మంది కార్మికులకు పదవీ విరమణ పెన్షన్ను ప్రతిపాదించారు. ఈ పథకం ప్రభుత్వానికి పెద్ద గేమ్ ఛేంజర్గా మారింది.
Also Read: ఫిబ్రవరి ఒకటినే బడ్జెట్ ఎందుకు ప్రవేశపెడతారు? మీకు తెలుసా?
WATCH:
Petrol Prices in Budget : లీటర్ పెట్రోల్పై రూ.10 తగ్గింపు..? మధ్యంతర బడ్జెట్వైపే అందరి చూపు!
Interim Budget 2024 : ఉదయం 11 గంటలకు ప్రవేశపెట్టనున్న నిర్మలా సీతారామన్(Nirmala Sitharaman) పార్లమెంట్లో ప్రవేశపెట్టనున్న మధ్యంతర బడ్జెట్(Interim Budget) పై దేశవ్యాప్తంగా సర్వత్రా ఉత్కంఠ నెలకొని ఉంది. మూడోసారి విజయం ఊరిస్తున్న వేళ మోదీ సర్కార్(Modi Sarkar) జనాకర్షక నిర్ణయాలేమైనా ప్రకటిస్తుందా? లేక ఆర్థిక వ్యవస్థను ప్రగతి పథంలో పెట్టేందుకు ప్రాధాన్యం ఇస్తుందా.. అనే చర్చ దేశమంతటా వినిపిస్తోంది. ఎన్నికల ఏడాది కాబట్టి బడ్జెట్లో కేంద్రం వరాలు జల్లులు కురిపించే అవకాశం ఉన్నట్లుగా తెలుస్తోంది. దేశవ్యాప్తంగా నిత్యావసర ధరలు ఆకాశాన్నంటుతున్నవేళ పేదలు, మధ్య తరగతి ప్రజలు ఆర్థిక శక్తి సన్నగిల్లుతోంది. వీటిన్నంటిని దృష్టిలో పెట్టుకుని నిర్మలా సీతారామన్ బడ్జెట్ ఉండబోతుందని, ముఖ్యంగా వాహనదారులకు బడ్జెట్లో తీపికబురు ఉండొచ్చని నిపుణులు అంచనా వేస్తున్నారు.
భారం తగ్గిస్తారా?
పెట్రోల్(Petrol), డీజిల్ ధరల వల్ల కూడా మధ్యతరగతి ప్రజలపై తీవ్రభారం పడుతోంది. ఈసారి పెట్రోల్, డీజిల్ ధరలు(Petrol, Diesel Rates) తగ్గించొచ్చని తెలుస్తుంది. పెట్రోల్ ధరలను తగ్గిస్తే సామాన్య ప్రజలకు కొంత ఊరట లభించే అవకాశం ఉంది. లీటర్పై రూ. 5 నుంచి రూ.10 వరకు పెట్రోల్ ధర తగ్గించే అవకాశం ఉంటుంది. అలాగే పెట్రోల్, డీజిల్ మీద ఎక్సైజ్ సుంకం తగ్గించడం సహా వాహనాలకు రాయితీ లాంటి ప్రకటనలు కూడా ఉంటాయని మార్కెట్ నిపుణులు అంచనా వేస్తున్నారు. అలాగే పట్టణ ప్రజల కోసం ఇళ్లపై తక్కువ వడ్డీకే లోన్లు లేదా సబ్సిడీ అందించేందుకు పీఎం ఆవాస్ యోజన తరహాలో కొత్త పథకం తీసుకురానున్నట్లు తెలుస్తోంది. ఏదేమైనా మధ్యంతర బడ్జెట్లో సామాన్యులకు లబ్ది చేకూరేలా తాయిలాలు ఉంటాయని అంచనా వేస్తున్నారు. మరి నిర్మలాసీతారామన్ లెక్కలు ఎలా ఉన్నాయో వేచి చూడాలి.
కేంద్ర కేబినెట్ భేటీ:
కేంద్ర మధ్యంతర బడ్జెట్ 2024-25ను కేంద్ర ఆర్థిక మంత్రి నిర్మలా సీతారామన్ నేడు పార్లమెంటుకు సమర్పించనున్నారు. ఉదయం 11 గంటలకు ఆమె మధ్యంతర బడ్జెట్ను ప్రవేశపెట్టనున్నారు. ఈసారి కూడా డిజిటల్ రూపంలోనే బడ్జెట్ కాపీని అందుబాటులోకి తీసుకురానుంది. నిర్మలా సీతారామన్ గురువారం ఉదయం 9 గంటలకు కేంద్ర ఆర్థిక శాఖ కార్యాలయానికి చేరుకుని అక్కడి నుంచి అధికారులతో కలిసి రాష్ట్రపతి భవన్(Rashtrapati Bhavan) కు వెళ్లనున్నారు. ఉదయం 9.30 గంటలకు రాష్ట్రపతిని కలిసి బడ్జెట్ సమర్పణకు అనుమతి తీసుకుంటారు. ఆర్థిక మంత్రి నిర్మలా సీతారామన్, ఆ శాఖ సహాయ మంత్రి, ముఖ్య అధికారులు ఉదయం 10 గంటలకు పార్లమెంటుకు చేరుకుంటారు. బడ్జెట్ సమర్పణకు ముందు ఉదయం 10.30 గంటలకు పార్లమెంటు ఆవరణలో కేంద్ర కేబినెట్ భేటీ కానుంది. ఇక్కడే మధ్యంతర బడ్జెట్కు కేబినెట్ ఆమోదం తెలపనుంది. అనంతరం ఉదయం 11 గంటల నుంచి లోక్సభలో నిర్మలా సీతారామన్ బడ్జెట్ను ప్రవేశపెడతారు.
Also Read: రైతులకు బడ్జెట్లో తీపి కబురు.. పీఎం కిసాన్ పెంపు?? ఎంతంటే?
WATCH:
Interim Budget : బడ్జెట్ గురించి ఆసక్తికర విషయాలను తెలుసుకోండి!
Interesting facts About Union Budget : సెంట్రల్ బడ్జెట్(Central Budget) కు టైమ్ దగ్గర పడింది. ఇవాళ(ఫిబ్రవరి 1) ఉదయం 11గంటలకు కేంద్రం మధ్యంతర బడ్జెట్ ను ప్రవేశపెట్టనుంది. మధ్యంతర బడ్జెట్(Interim Budget) అయినా కూడా సామాన్యులకు జాక్ పాట్ తగలనుందని ఏదో చిన్న ఆశ. మరి నిర్మలమ్మ(Nirmala Sitharaman) ఆ ఆశలను నిజాలు చేస్తుందా లేదా అంటే కొన్ని రోజులు ఆగాల్సిందే. అయితే ఈ లోపు బడ్జెట్ గురించి కొన్ని ఆసక్తికర విషయాలు తెలుసుకుందాం.
ముగ్గురు ప్రధానులు స్వయంగా బడ్జెట్ను సమర్పించారు:
తొలి ప్రధాని పండిట్ జవహర్ లాల్ నెహ్రూ(Jawaharlal Nehru) తొలిసారిగా ప్రధాని హోదాలో 1958-1959 సంవత్సరానికి బడ్జెట్ను సమర్పించారు. సాధారణంగా దేశ ఆర్థిక మంత్రి బడ్జెట్ను సమర్పిస్తారు. పండిట్ నెహ్రూ కాకుండా, ఇందిరా గాంధీ(Indira Gandhi) ప్రధానమంత్రి హోదాలో 1970-71 సంవత్సరానికి బడ్జెట్ను సమర్పించారు. దేశంలో కేంద్ర బడ్జెట్ను ప్రవేశపెట్టిన మొదటి మహిళ కూడా ఆమె. ఆయన కుమారుడు రాజీవ్ గాంధీ కూడా ప్రధాని హోదాలో 1987-88 ఆర్థిక సంవత్సరానికి బడ్జెట్ను సభలో ప్రవేశపెట్టారు.
అత్యధిక సార్లు బడ్జెట్ను సమర్పించిన రికార్డు ఎవరిది?
దేశ బడ్జెట్ను అత్యధిక సార్లు సమర్పించిన ఘనత మాజీ ఆర్థిక మంత్రి మొరార్జీ దేశాయ్కే దక్కుతుంది. బడ్జెట్ను ఆయన మొత్తం 10 సార్లు సమర్పించారు. ఆ తర్వాత మాజీ ఆర్థిక మంత్రి పీ.చిదంబరం 9 సార్లు, మాజీ రాష్ట్రపతి ప్రణబ్ ముఖర్జీ 8 సార్లు, యశ్వంత్ సిన్హా 8 సార్లు, మాజీ ప్రధాని మన్మోహన్ సింగ్ 6 సార్లు బడ్జెట్ను ప్రవేశపెట్టారు.
ఇందిరాగాంధీ హయాంలోని ఈ బడ్జెట్ను ‘బ్లాక్ బడ్జెట్’ అని ఎందుకు పిలుస్తారు?
1973-74 సంవత్సరపు బడ్జెట్ను దేశంలోని ‘బ్లాక్ బడ్జెట్'(Black Budget) అని పిలుస్తారు. దీన్ని అప్పటి ఆర్థిక మంత్రి యశ్వంత్రావు చవాన్ ప్రవేశపెట్టారు. ఈ బడ్జెట్ లో రూ.550 కోట్ల లోటు ఏర్పడింది. అప్పటి వరకు ఇదే అతిపెద్ద లోటు బడ్జెట్. ఈ బడ్జెట్ 1971లో పాకిస్తాన్తో యుద్ధం, పేలవమైన రుతుపవనాల వల్ల ప్రభావితమైంది.
2000-01 ఆర్థిక సంవత్సరానికి సంబంధించిన బడ్జెట్ను అప్పటి ఆర్థిక మంత్రి యశ్వంత్ సిన్హా సమర్పించారు. దీనిని దేశ ‘మిలీనియం బడ్జెట్’గా పిలుస్తారు. ఇది 21వ శతాబ్దపు తొలి బడ్జెట్. ఈ బడ్జెట్లో చేసిన ప్రకటనలు దేశంలోని ఐటీ రంగంలో విప్లవానికి దారితీశాయి.
Also Read: ఈ బడ్జెట్ నుంచి ఆశించాల్సిన 6 కీలక అంశాలు ఇవే..!!
WATCH:
