భారీ ధర పలికిన సీక్వెల్ భారతీయుడు... డిజిటల్ రైట్స్ ఎంతో తెలుసా...!

భారీచిత్రాల దర్శకుడు శంకర్, నటవిరాట్ కమల్ హాసన్ కాంబినేషన్ లో వచ్చిన చిత్రం భారతీయుడు. కమల్ ఈ చిత్రంలో ద్విపాత్రాభినయం చేసి మెచ్చించారు. 1996 లో విడుదై సంచలనం సృష్టిచింది. సేమ్ కాంబినేషన్ తో సీక్వెల్ గా వస్తున్న చిత్రం భారతీయుడు-2. ఇండియన్ సీక్వెల్ డిజిటల్ రైట్స్ భారీ ధరకు అమ్ముడు పోయాయని ప్రచారం జరుగుతోంది.

ఈ సినిమా షూటింగ్ ఎప్పుడో ప్రారంభం అయ్యింది. కానీ అనుకోని కారణాల వల్ల ఎప్పటికప్పుడు భారతీయుడికి బ్రేక్ లు పడుతూనే ఉన్నాయి. ఈ క్రమంలోనే దర్శకుడు శంకర్..హీరో రామ్ చరణ్ తో ఓ సినిమా చేస్తున్నాడు. ఇప్పుడు ఈ రెండు సినిమాలను ఒకే సారి పూర్తి చేస్తున్నాడు శంకర్.

ఇక ఇండియన్ 2 కాజల్ అగర్వాల్, రకుల్ ప్రీత్ సింగ్ హీరోయిన్స్ గా నటిస్తున్నారు. ఈ సినిమా షూటింగ్ దాదాపు చివరి దశకు వచ్చేసిందని తెలుస్తోంది. ఇదిలా ఉంటే ఈ సినిమా రిలీజ్ కు ముందు రికార్డులు క్రియేట్ చేస్తోంది. ఈ మూవీ ప్రీరిలీజ్ బిజినెస్ భారీ ధరకు జరుగుతుందని టాక్.

తాజాగా ఇండియన్ 2 డిజిటల్ రైట్స్ భారీ ధరకు అమ్ముడయ్యాయట. ఈ మూవీ డిజిటల్ రైట్స్ దాదాపు రూ.200 కోట్లకు అమ్ముడయ్యాయని టాక్. ప్రముఖ ఓటీటీ సంస్థ నెట్ ఫ్లిక్స్ ఇండియన్ 2 మూవీ డిజిటల్ రైట్స్ సొంతం చేసుకుందని తెలుస్తోంది.