Hero Sandeep: ప్రతి సినిమా విడుదల ముందు ఇలా చేస్తాను: హారో సందీప్ కిషన్

Hero Sandeep: తిరుపతిలో టాలీవుడ్ నటుడు సందీప్ కిషన్ సందడి చేశారు. ఆయన హీరోగా వస్తున్న సినిమా ఊరుపేరు భైరవకోన ఈ నెల 16న ప్రపంచ వ్యాప్తంగా విడుదలవుతుంది. అన్ని వర్గాల ప్రేక్షకులను ఆకట్టుకునేలా ఈ సినిమా ఉంటుందని సందీప్ అంటున్నారు. ఈ సినిమాను ప్రజలు ఎలా ఆదరిస్తారోనని  ఆసక్తిగా ఎదురుచూస్తున్నట్లు తెలిపారు. తాను నటించిన ప్రతి సినిమా విడుదలకు ముందు తిరుమల వచ్చి శ్రీవారిని దర్శించుకోవడం ఆనవాయితి అని హీరో సందీప్ కిషన్ వెల్లడించారు.

Also Read: నటి జయప్రద అరెస్ట్..? కారణం ఇదే..!

ఆర్టీవీతో హీరో సందీప్ ఎక్స్ క్లూజివీగా మాట్లాడుతూ.. రెండు సంవత్సరాల నుంచి ఈ సినిమా కోసం చాలా కష్టపడ్డామని వివరించారు. ఈ సినిమా తెరమీదకి రేపు రిలీజ్ కావడంతో తన గుండెల్లో రైలు పరిగెత్తుతున్నట్లు కామెంట్స్ చేశారు. ప్రజలందరూ ఆదరిస్తారన్న నమ్మకంతో ఈ సినిమా తీశామన్నారు.  భైరవకోన మూవీ పేరులోనే కాకుండా సినిమా స్టోరీ కూడా కొత్తగా ఉంటుందని తెలిపారు. ఈ సినిమాను అందరూ ఆశీర్వదించాలని కోరారు.  దెయ్యాలు, భూతాల సన్నివేశాలు ప్రేక్షకులను బాగా ఆకట్టుకుంటాయన్నారు. ముఖ్యంగా మూఢ నమ్మకాలపై ప్రజల్లో ఉన్న సందేహాలను ఈ సినిమా ద్వారా నివృత్తి అవుతుందన్నారు.