చంద్రయాన్-3 తొలి అప్డేట్.. చంద్రుడి రహస్యాలను వెలికితీసేందుకు ప్రయత్నం

మొదటి దశ విజయం

చంద్రుడి రహస్యాలు బయటపెట్టేందుకు ఇస్రో చేపట్టిన మూడో మిషన్ చంద్రయాన్-3. జూలై 14న శ్రీహరికోటలోని షార్ కేంద్రం నుంచి దీన్ని దిగ్విజయంగా ప్రయోగించారు. చంద్రుడి దక్షిణ ధ్రువంపై పరిశోధన చేపట్టడం ఈ మిషన్ ప్రధాన ఉద్దేశం. ఈ క్రమంలో చంద్రయాన్-3లోని లాండర్ విజయవంతంగా చంద్రుడిపై దింపాలని శాస్త్రవేత్తలు తీవ్రంగా కృషి చేస్తున్నారు. ల్యాండర్ సాయంతో చంద్రుడి దక్షిణ ధ్రువపు రహస్యాలను వెలికితీసేందుకు ప్రయత్నిస్తున్నారు.

భారత అంతరిక్ష పరిశోధనా సంస్థ ఇస్రో శాస్త్రవేత్తలు శనివారం చంద్రయాన్-3 వ్యోమనౌకను కక్ష్యలోకి ప్రవేశపెట్టే తొలి కసరత్తును విజయవంతంగా పూర్తి చేసిన విషయం తెలిసిందే. చంద్రయాన్ పరిస్థితి సాధారణంగానే ఉందని ఇస్రో సోషల్ మీడియాలో పోస్ట్ చేసింది. చంద్రయాన్-3 మిషన్ ప్రత్యక్ష నవీకరణల ప్రకారం.. అంతరిక్ష నౌక సాధారణ పరిస్థితులలో పురోగమిస్తోంది. ఇస్రో తన మొదటి కక్ష్య విన్యాసమైన ISTRAC/ISROను విజయవంతంగా పూర్తి చేసిందని ఇస్రో తెలిపింది. చంద్రయాన్ ఇప్పుడు 173 కి.మీ కక్ష్యలో 41762 కి.మీలో ఉందని ఆయన చెప్పారు.

చంద్రయాన్ -3 బాగా పనిచేస్తుంది

జూలై 14న భారత అంతరిక్ష పరిశోధనా సంస్థ ఏపీలోని శ్రీహరికోటలోని సతీష్ ధావన్ అంతరిక్ష కేంద్రం నుంచి ఎల్‌విఎం3-ఎం4 రాకెట్ ద్వారా చంద్రయాన్-3ని విజయవంతంగా ప్రయోగించింది. శుక్రవారం మధ్యాహ్నం 2.35 గంటలకు టేకాఫ్ అయిన 17 నిమిషాల తర్వాత ఉపగ్రహాన్ని నిర్దేశిత కక్ష్యలోకి ప్రవేశపెట్టారు. దానిలోఅమర్చిన థ్రస్టర్‌లను ఫైర్ చేసి, ఆగస్టు 23న చంద్రుని ఉపరితలంపై ల్యాండింగ్ కోసం చంద్రయాన్-3 భూమి నుండి దూరంగా తీసుకువెళ్తారు. చంద్రయాన్ చాలా బాగా పనిచేస్తుందని ఇస్రో అధికారులు తెలిపారు.

చంద్రుడిపైకి వెళ్లగలదన్ననమ్మకం 

అయితే తొలి దశ ప్రయోగం 100 శాతం విజయవంతమైందని, స్పేస్‌క్రాఫ్ట్ కూడా చాలా మంచి స్థితిలో ఉందని, దాని సాంకేతికతతో చంద్రుడిపైకి వెళ్లగలదన్న నమ్మకం ఉందని చెప్పారు. బెంగళూరులోని టెలిమెట్రీ, ట్రాకింగ్ అండ్ కమాండ్ నెట్‌వర్క్ నుంచి అంతరిక్ష నౌకను ఇస్రో నిశితంగా పరిశీలిస్తుందని, నియంత్రిస్తుందని చంద్రయాన్-3 ప్రాజెక్ట్ డైరెక్టర్ పి. వీరముత్తువేల్ శుక్రవారం ప్రయోగించిన తర్వాత తెలిపారు.