Trinath

ఎన్నికల కోడ్‌ అమల్లోకి రావడంతో నగరంపై పోలీసులు నిఘా పెంచారు. ఎక్కడికి అక్కడ తనిఖీలు చేస్తున్నారు. తాజాగా బంజారాహిల్స్ పిఎస్ పరిధిలో భారీగా హవాలా నగదు స్వాధీనం చేసుకున్నారు. రూ.3.35 కోట్ల నగదును బంజారా హిల్స్‌ పోలీసులు పట్టుకున్నారు. ముగ్గురిని అదుపులోకి తీసుకోని దర్యాప్తు చేస్తున్నారు.

న్యూజిలాండ్‌ స్టార్‌ ఆల్‌రౌండర్‌ సాంట్నర్‌ అరుదైన ఫీట్ సాధించాడు. వన్‌ లీగల్‌ బాల్‌కి 13 రన్స్ చేశాడు. నెదర్లాండ్స్‌పై జరిగిన మ్యాచ్‌లో ఈ రికార్డు క్రియేట్ అయ్యింది. ఇన్నింగ్స్‌ ఆఖరి బంతికి లీడే బాల్ వేయగా.. అది కాస్త నో బాల్‌గా ప్రకటించాడు అంపైర్. ఆ బాల్‌ని స్టాండ్స్‌లోకి పంపించిన సాంట్నర్‌.. తర్వాత ఫ్రీ హిట్ బాల్‌ని కూడా సిక్స్‌గా మలిచాడు.

కాంగ్రెస్‌, బీజేపీపై మంత్రి హరీశ్‌రావు నిప్పులు చెరిగారు. ఈ నెల 15 కేసీఆర్‌ సిద్దిపేట జిల్లా హుస్నాబాద్ బహిరంగ సభ తర్వాత ప్రతిపక్షాల మైండ్‌ బ్లాకేనన్నారు. ఎవరెన్ని జిమ్మిక్కులు చేసినా ఈసారి కేసీఆర్ హ్యాట్రిక్ కొట్టడం ఖాయమన్నారు హరీశ్‌రావు. కనీసం టికెట్లు కూడా ఇచ్చుకోలేని దయనియ స్థితిలో కాంగ్రెస్ పార్టీ ఉందని ఎద్దేవా చేశారు.

మోదీతో ఇజ్రాయెల్ ప్రధాని నెతన్యాహు ఫోన్‌లో మాట్లాడారు. ఈ విషయాన్ని పీఎం మోదీ స్వయంగా ట్వీట్ చేశారు. ఈ సందర్భంగా ఇజ్రాయెల్‌కు సంఘీభావం తెలిపారు. కొనసాగుతున్న పరిస్థితిపై అప్‌డేట్ అందించిన నెతన్యాహుకు థ్యాంక్స్‌ చెప్పారు. ఈ క్లిష్ట సమయంలో భారత ప్రజలు ఇజ్రాయెల్‌కు అండగా నిలిచారన్నారు మోదీ. ఉగ్రవాదం ఏ రూపంలో ఉన్న భారత్ ఖండిస్తుందని చెప్పారు.

మూడు మతాలకి పుట్టినిల్లు, పవిత్రస్థలంగా చెప్పుకునే జెరూసలెం నిత్యం నెత్తుటి స్నానం చేస్తోంది. ఈ పవిత్రస్థలం తమదంటే తమదన్న గొడవ మధ్య లక్షలమంది ప్రాణాలు గాల్లో కలిసిపోయాయి. ఇంకా పోతూనే ఉన్నాయి. ఈ నెత్తుటి దాహానికి ఎప్పుడు ఫుల్‌స్టాప్ పడుతుందో కాలమే నిర్ణయించాలి. ప్రస్తుతం ఇజ్రాయెల్‌-పాలస్తీనా మధ్య జరుగుతున్న యుద్ధంలో వేలాది మంది ప్రాణాలు కోల్పోయారు.

డెంగీ బారిన పడ్డ టీమిండియా యువ సంచలనం శుభమన్‌ గిల్‌ చెన్నై ఆస్పత్రి నుంచి డిశ్చార్జ్‌ అయ్యాడు. అయితే ప్రస్తుతం అతని ప్లేట్‌లెట్‌ కౌంట్ తక్కువగా ఉందని తెలుస్తోంది. భారత్‌ జట్టుతో పాటు హోటల్‌లోనే గిల్ ఉన్నట్టు సమాచారం. బీసీసీఐ వైద్య బృందం పర్యవేక్షణలో గిల్‌ ఉన్నట్టు తెలుస్తోంది. రేపు(అక్టోబర్‌ 11) అప్ఘాన్‌తో మ్యాచ్‌కు గిల్ అందుబాటులో ఉండడంలేదు. అటు అక్టోబర్‌ 14న పాక్‌తో జరిగే మ్యాచ్‌లో గిల్‌ ఆడడంపైనా సందేహాలు రేకెత్తుతున్నాయి.

ముద్దు(Kiss) ప్రేమను వ్యక్తం చేసే ఒక పద్ధతి. ముద్దుతో లవర్స్‌ మధ్య శారీరక సాన్నిహిత్యం మాత్రమే కాదు ఎమోషనల్ కనెక్షన్‌కి కూడా పెంచుతుంది. మన ఇమ్యూన్‌ సిస్టమ్‌ని మెరుగుపరచడంలో కూడా కిస్‌ అన్నది కీలక పాత్ర పోషిస్తుందని నివేదికలు చెబుతున్నాయి. ముద్దు వల్ల ఆక్సిటోసిన్, ఎండార్ఫిన్‌ల లాంటి ఫీల్‌ గుడ్‌ హార్మోన్లు విడుదలవుతాయి. అందుకే ఏ విధంగా చూసినా ముద్దు మన మంచికేనని లవ్‌ ఎక్స్‌పర్ట్స్‌ చెబుతున్నారు.

టీమిండియా క్రికెటర్లు బలంగా మారడానికి మాంసం కారణమని పాక్‌ లెజెండ్ షాహీద్‌ అఫ్రిది చేసిన కామెంట్స్‌పై నెటిజన్లు భిన్నరకాలుగా చర్చించుకుంటున్నారు. అఫ్రిది అభిప్రాయం సరైనది కాదని కొంతమంది చెబుతుండగా.. లేదు లేదు కరెక్ట్‌గానే చెప్పాడని మరికొందరు అంటున్నారు. అయితే శాఖాహారం అయినా మాంసాహారమైనా ఫిట్‌నెస్‌ కోసమేనని.. నాన్‌వెజ్‌ తినే క్రికెటర్లు కంటే వెజ్‌ తినే కోహ్లీ ఫిట్‌గా ఉంటాడని.. అఫ్రిది మాటలు తింగరిగా ఉన్నాయని ఫ్యాన్స్‌ అభిప్రాయపడుతున్నారు.

తెలంగాణలో మోడల్ ప్రవర్తనా నియమావళి అమల్లోకి వచ్చింది. ఎన్నికల కోడ్‌ అమల్లోకి రావడంతో ప్రధాన ఎన్నికల అధికారి వికాస్ రాజ్ కీలక సూచనలు చేశారు. రాత్రి 10 గంటల నుంచి ఉదయం 6 గంటల మధ్య ఎలాంటి లౌడ్ స్పీకర్లు యూజ్‌ చేయకూడదన్నారు వికాస్‌ రాజ్‌. ఇక మత స్థలాలు లేదా ఇతర ప్రార్థనా స్థలాలను ఎన్నికల ప్రచార వేదికగా ఉపయోగించకూడదు. స్టాటిక్ లేదా వెహికల్ మౌంట్ చేయకూడదు.

తెలంగాణలో ఎన్నికల కోడ్‌ అమల్లోకి రావడంతో పోలీసులు అలెర్ట్ అయ్యారు. రౌడీలు,గుండాలపై ప్రివెంటివ్ యాక్షన్స్ తీసుకుంటామన్నారు పోలీస్ కమిషనర్ సీ.వీ ఆనంద్.మద్యం,డబ్బులు పంపిణీ, రవాణా, మత్తుపదార్థాలపై ప్రత్యేక దృష్టి పెట్టామన్నారు. 24 గంటల పాటు ప్రతి అసెంబ్లీ నియోజకవర్గంలో మూడు టీమ్స్ పని చేస్తాయన్నారు. 15 నియోజికవర్గాల్లో 15 మంది నోడల్ ఆఫీసర్లను పెట్టామని చెప్పారు.