Singapore Airlines: విమానంలో తీవ్ర కుదుపులు.. ప్రయాణికుడు మృతి.. 20 మందికి గాయాలు

Singapore Airlines: విమానంలో తీవ్ర కుదుపుల కారణంగా ఓ ప్రయాణికుడి ప్రాణాన్ని పోయింది. లండన్ నుండి సింగపూర్ వెళ్తున్న సింగపూర్ ఎయిర్‌లైన్స్ బోయింగ్ 777-300ER విమానం ఎయిర్ పాకెట్‌ను ఢీకొట్టింది. అప్రమత్తమైన పైలెట్లు మంగళవారం బ్యాంకాక్‌లోని సువర్ణభూమి విమానాశ్రయంలో ఎమర్జెన్సీ ల్యాండింగ్  చేశారు. ఈ ప్రమాదంలో ఒక ప్రయాణికుడు ప్రాణాలు కోల్పోగా.. 20 మందికి పైగా గాయాలు అయినట్లు సమాచారం. ఈ విమానంలో 211 మంది ప్రయాణికులు, 18 మంది సిబ్బంది ఉన్నట్లు ఎయిర్‌లైన్స్ సంస్థ పేర్కొంది. ఈ ప్రమాద ఘటనకు సంబంధించి మరిన్ని వివరాలు తెలియాల్సి ఉంది.