Accident: ఒడిశాలో ఘోర ప్రమాదం.. ఎనిమిది మంది మృతి..

ఒడిశాలో తీవ్ర విషాదం చోటుచేసుకుంది. ఆగిఉన్న ఓ ట్రక్కును వ్యాన్‌ ఢీకొంది. ఈ దుర్ఘటనలో ఎనిమిది మంది మృతి చెందారు. కేంధూఝర్‌ జిల్లాలో శుక్రవారం తెల్లవారుజామున ఈ ఘటన చోటుచేసుకుంది. ఇక వివరాల్లోకి వెళ్తే.. గంజాం జిల్లాలోని దిగపహండి నుంచి కెంధూఝర్ జిల్లాలోని ఘటగావ్లోని తారిణి ఆలయానికి కొంతమంది ఓ వ్యాన్‌లో వెళ్తున్నారు. అయితే అలా ప్రయాణిస్తుండగా.. ఆ వ్యాను ప్రమాదవశాత్తు ఆగిఉన్న ఓ ట్రక్కును ఢీకొంది. దీంతో 8 మృతి చెందగా.. మరో ఏడుగురు మంది తీవ్రంగా గాయపడ్డారు. సమాచారం మేరకు పోలీసులు ఘటనాస్థలానికి చేరుకున్నారు. క్షతగాత్రులను ఆసుపత్రికి తరలించారు. మృతదేహాలను పోస్టుమార్టం నిమిత్తం ఆసుపత్రికి పంపించారు. మృతుల్లో ముగ్గురు మహిళలు కూడా ఉన్నట్లు పోలీసులు తెలిపారు. ఈ ఘటనపై కేసు నమోదు చేసుకున్నామని.. ఈ ప్రమాదానికి గల కారణాలను ఆరా తీస్తున్నామని పోలీసులు తెలిపారు.

Also Read: ఆ ప్రాంతాల్లో రిగ్గింగ్ జరిగింది.. మళ్లీ పోలింగ్ నిర్వహించాలి..